ରାଜଧାନୀରେ ବୋମା ବିସ୍ଫୋରଣ ଘଟଣା: ୨ ଗିରଫ

ଭୁବନେଶ୍ୱର: ଭୁବନେଶ୍ୱରର ମାଉସୀ ମା ଛକ ଠାରେ ଘଟିଥିବା ବୋମା ବିସ୍ଫୋରଣ ଘଟଣାରେ କମିସନର ପୋଲିସ ଦୁଇ ଜଣଙ୍କୁ ଗିରଫ କରିଛି। ଗିରଫ ଦୁଇ ଅଭିଯୁକ୍ତଙ୍କ ନାମ ଗୋପୀନାଥ ରାଉତ ଏବଂ ପ୍ରିୟବ୍ରତ ସ୍ୱାଇଁ ବୋଲି ଚିହ୍ନଟ କରାଯାଇଛି। ରିପୋର୍ଟ ଅନୁଯାୟୀ, ବୁଧବାର ଲକ୍ଷ୍ମୀ ସାଗର ଅଞ୍ଚଳରେ ଦୁଇଟି ଗୋଷ୍ଠୀ ମୁହାଁମୁହିଁ ହୋଇଥିଲେ ଏବଂ ପରେ ସେମାନେ କଳ୍ପନା ଛକ ଆଡ଼କୁ ଚାଲିଯାଇଥିଲେ। ଏହା ପରେ, ମାଉସୀ ମାଆ ଛକ ନିକଟରେ, ଯେତେବେଳେ ଦୁଇ ଗୋଷ୍ଠୀ ମଧ୍ୟରେ ଯୁକ୍ତିତର୍କ ଚାଲିଥିଲା, ସେତେବେଳେ ଜଣେ ଯୁବକଙ୍କ ହାତରୁ ବୋମା ଖସିଯାଇଥିଲା ଏବଂ ବିସ୍ଫୋରଣ ଘଟି ଜଣେ ଯୁବକ ଆହତ ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଘଟଣାରେ ଆଜି ମୁଖ୍ୟ ଅଭିଯୁକ୍ତ ସମେତ ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଛି।