ଉତ୍ତରପ୍ରଦେଶ: ହଷ୍ଟେଲ ରୁମ୍ରୁ ଯୁବକଙ୍କ ମୃତଦେହ ଉଦ୍ଧାର। ତାଙ୍କ ମୃତଦେହ ହଷ୍ଟେଲ ରୁମ୍ରେ ସିଲିଂ ଫ୍ୟାନ୍ରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି। ମୃତକଙ୍କୁ ପ୍ରଥମ ବର୍ଷର ବି.ଟେକ୍ ଛାତ୍ର ଆକାଶଦୀପ ବୋଲି ଚିହ୍ନଟ କରାଯାଇଛି। ସେ ଗ୍ରେଟର ନୋଏଡାର ଦିଲ୍ଲୀ ଟେକ୍ନିକାଲ୍ କ୍ୟାମ୍ପସ୍ (ଡିଟିସି) କଲେଜରେ ପ୍ରଥମ ବର୍ଷର ବି. ଟେକ୍ ଛାତ୍ର ଥିଲେ। ନଲେଜ୍ ପାର୍କରେ ଥିବା ଏସଏନଏଚ ହଷ୍ଟେଲରେ ରହୁଥିଲେ। ସୂଚନା ଅନୁସାରେ, ସକାଳେ ଯେତେବେଳେ ଆକାଶ ବହୁ ସମୟ ପର୍ଯ୍ୟନ୍ତ ବାହାରକୁ ବାହାରନଥିଲେ। ଏହା ପରେ ତାଙ୍କ ସହପାଠୀମାନେ ସନ୍ଦେହ କରି ଅନେକ ଥର କବାଡ ବାଡେଇଥିଲେ, କିନ୍ତୁ ଭିତରୁ ଛାତ୍ରଙ୍କ କୌଣସି ଉତ୍ତର ପାଇନଥିଲେ। ଛାତ୍ରମାନେ ତୁରନ୍ତ ପୋଲିସକୁ ଖବର ଦେଇଥିଲେ।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ରୁମ୍ର ଦ୍ୱାର ଖୋଲିଥିଲେ ଏବଂ ଫ୍ୟାନରେ ଝୁଲୁଥିବା ଆକାଶଙ୍କ ମୃତଦେହ ଉଦ୍ଧାର କରିଥିଲେ। ଏହି ଘଟଣାରେ ପୋଲିସ ମୃତଦେହକୁ ଶବ ବବ୍ୟଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି। ପୋଲିସ ଛାତ୍ରଙ୍କ କୋଠରୀରୁ ଏକ ଆତ୍ମହତ୍ୟା ନୋଟ୍ ମଧ୍ୟ ଜବତ କରିଛି, ଯେଉଁଥିରେ ସେ ତାଙ୍କ ଆତ୍ମହତ୍ୟାର କାରଣ ଭାବରେ ଶିକ୍ଷାଗତ ଚାପ ଏବଂ ମାନସିକ ଚାପକୁ ଉଲ୍ଲେଖ କରିଛନ୍ତି। ସେ ଏହା ମଧ୍ୟ ଲେଖିଛନ୍ତି ଯେ ତାଙ୍କ କାର୍ଯ୍ୟ ପାଇଁ କାହାକୁ ଦାୟୀ କରାଯିବା ଉଚିତ୍ ନୁହେଁ ଏବଂ କେହି ଦାୟୀ ନୁହଁନ୍ତି। ଶିକ୍ଷାଗତ ଚାପ ଯୋଗୁଁ ଛାତ୍ର ଆତ୍ମହତ୍ୟାର ରିପୋର୍ଟ ବାରମ୍ବାର ଆସୁଛି। ଏହା ସତ୍ତ୍ୱେ, କଲେଜ ପ୍ରଶାସନ ଏହି ମାମଲାଗୁଡ଼ିକ ଗମ୍ଭୀରତାର ସହ ନେଉନଥିବା ଦେଖାଯାଉଛି। ଆଜିର ଯୁବପିଢ଼ି ପାଇଁ ପାଠପଢ଼ା ଚାପ ଏକ ଗୁରୁତ୍ୱପୂର୍ଣ୍ଣ ଚ୍ୟାଲେଞ୍ଜ ପାଲଟିଛି।
