ପୋଷାକ କିଣିବାକୁ ଯାଇ ଦୋକାନରେ ଟଳି ପଡିଲେ ବୃଦ୍ଧ

କର୍ଣ୍ଣାଟକ: କର୍ଣ୍ଣାଟକର ମାଣ୍ଡ୍ୟା ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ପୋଷାକ କିଣିବାକୁ ଯାଇ ଦୋକାନରେ ଟଳି ପଡିଲେ ବୃଦ୍ଧ।ପୋଷାକ କିଣିବା ପାଇଁ ଦୋକାନକୁ ଯାଇଥିବା ବୃଦ୍ଧ ହଠାତ୍ ହୃଦଘାତର ଶିକାର ହୋଇଥିଲେ। ଘଟଣାସ୍ଥଳରେ ହିଁ ତାଙ୍କର ତୁରନ୍ତ ମୃତ୍ୟୁ ଘଟିଥିଲା। ମୃତକଙ୍କ ନାମ ଏରାନିଆ (୫୮) ବୋଲି ଚିହ୍ନଟ କରାଯାଇଛି, ସେ ହୁଲ୍ଲାଗଲ ଗାଁର ବାସିନ୍ଦା। ଘଟଣାଟି ମାଣ୍ଡ୍ୟା ଜିଲ୍ଲାର ମାଲାଭାଲି ତାଲୁକର ହାଲାଗୁର ସହରରେ ଘଟିଥିବା ଜଣାପଡ଼ିଛି। ଦୋକାନୀ ସହ ପାଖରେ ଥିବା ଲୋକମାନେ ତାଙ୍କୁ ତୁରନ୍ତ ଡାକ୍ତରଖାନା ନେଇଯାଇଥିଲେ। କିନ୍ତୁ, ଡାକ୍ତରଖାନା ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ହୋଇଗଲା। ନିକଟରେ କର୍ଣ୍ଣାଟକ ମନ୍ତ୍ରୀ ଶରଣ ପ୍ରକାଶ ପାଟିଲ ରାଜ୍ୟରେ ହୃଦଘାତ ମାମଲା ବୃଦ୍ଧି ପାଇବାର ରିପୋର୍ଟରେ ଲୋକଙ୍କୁ ଭୟଭୀତ ନ ହେବାକୁ ଅନୁରୋଧ କରିଥିଲେ। ସେ ଗୁରୁତ୍ୱାରୋପ କରିଥିଲେ ଯେ ନିୟମିତ ବ୍ୟାୟାମ, ପ୍ରାଣାୟମ, ସନ୍ତୁଳିତ ଖାଦ୍ୟ, ସମୟାନୁସାରେ ନିଦ୍ରା ଏବଂ ଚାପ ପରିଚାଳନା ଭଳି ପ୍ରମୁଖ ପ୍ରତିଷେଧକ ପଦକ୍ଷେପ ହୃଦରୋଗର ବିପଦକୁ ଯଥେଷ୍ଟ ହ୍ରାସ କରିପାରିବ।