ନାଇରୋବି: କେନିଆର ପଶ୍ଚିମ ରିଫ୍ଟ ଭ୍ୟାଲି ଅଞ୍ଚଳରେ ଏକ ବଡ଼ ଧରଣର ଭୂସ୍ଖଳନ ବ୍ୟାପକ କ୍ଷୟକ୍ଷତି ଘଟାଇଛି। ଏହି ଭୂସ୍ଖଳନ ଯୋଗୁଁ ଅତି କମରେ ୨୧ ଜଣଙ୍କର ମୃତ୍ୟୁ ହୋଇଛି ଏବଂ ୩୦ ଜଣ ନିଖୋଜ ଅଛନ୍ତି। ଗତ କିଛି ଦିନ ଧରି ଏହି ଅଞ୍ଚଳରେ ପ୍ରବଳ ବର୍ଷା ହେଉଛି। ଶନିବାର ଦିନ, ପଶ୍ଚିମ କେନିଆର ଏଲଗେୟୋ ମାରାକୱେଟ୍ କାଉଣ୍ଟିର ଚେସୋଙ୍ଗୋଚ୍ ପାହାଡିଆ ଅଞ୍ଚଳରେ ଏକ ଭୂସ୍ଖଳନ ଘଟିଥିଲା। ଏହି ସମୟରେ ୧,୦୦୦ରୁ ଅଧିକ ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା, ଯାହା ଆତଙ୍କ ସୃଷ୍ଟି କରିଥିଲା।
ସରକାର ଏଲଡୋରେଟ ସହରର ଏକ ହସ୍ପିଟାଲରେ 30 ଜଣ ଗୁରୁତର ଆହତ ଲୋକଙ୍କୁ ବିମାନରେ ସ୍ଥାନାନ୍ତର କରିଛନ୍ତି। ସ୍ଥାନୀୟ ବାସିନ୍ଦା ଷ୍ଟିଫେନ କିଟାନି ସିଟିଜେନ ଟେଲିଭିଜନ ଷ୍ଟେସନକୁ କହିଛନ୍ତି ଯେ ସେ ଏକ ଜୋରଦାର ଶବ୍ଦ ଶୁଣି ତୁରନ୍ତ ତାଙ୍କ ପିଲାମାନଙ୍କ ସହିତ ଘରୁ ବାହାରକୁ ଦୌଡ଼ି ପଳାଇ ଆସିଥିଲେ। ପ୍ରବଳ ବର୍ଷା ସତ୍ତ୍ୱେ, ଶନିବାର ଉଦ୍ଧାର କାର୍ଯ୍ୟ ଜାରି ରହିଛି, ବିପର୍ଯ୍ୟୟ ଏଜେନ୍ସିଗୁଡ଼ିକ ଭଗ୍ନାବଶେଷରେ ଫସି ରହିଥିବା ଲୋକଙ୍କୁ ଖୋଜୁଛନ୍ତି।
