ରାଜସ୍ଥାନ: ରାଜସ୍ଥାନର ଶ୍ରୀମାଧୋପୁରର ନୂତନ ରେଳ ଷ୍ଟେସନ ନିକଟରେ ଏକ ଦୁର୍ଘଟଣା ଘଟିଛିା ରେଳ ଟ୍ରାକରେ ଥିବା ଏକ ଷଣ୍ଢକୁ ବଞ୍ଚାଇବାକୁ ଯାଇ ଏହି ଟ୍ରେନ ଦୁର୍ଘଟଣା ଘଟିଛିା ଏହି ଦୁର୍ଘଟଣାରେ ମାଲବାହୀ ଟ୍ରେନର ତିନି ଡଜନରୁ ଅଧିକ ବଗି ଲାଇନଚ୍ୟୁତ ହୋଇ ପରସ୍ପର ଉପରେ ଚଢିଯାଇଥିବା ନେଇ ସୂଚନା ମିଳିଛିା ଦୁର୍ଘଟଣା ପରେ ରେଳ ଧାରଣାରେ ଟ୍ରେନ ଯାତାୟତ ବାଧା ପ୍ରାପ୍ତ ହୋଇଛି । ସୂଚନା ଅନୁଯାୟୀ, ମାଲବାହୀ ଟ୍ରେନ୍ଟି ଫୁଲେରାରୁ ରେୱାଡ଼ି ଯାଉଥିଲା। ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ରେଳ ଅଧିକାରୀ, ଜିଆରପି ଏବଂ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲେ।
ଭଙ୍ଗା ବଗିଗୁଡ଼ିକୁ ଗୋଟିଏ ପରେ ଗୋଟିଏ ହଟାଇବା କାମ ଆରମ୍ଭ କରାଯାଇଛି। ବୁଧବାର ସକାଳେ ସିକର ଜିଲ୍ଲାର ଶ୍ରୀମାଧୋପୁରରେ ଏହି ରେଳ ଦୁର୍ଘଟଣା ଘଟିଛି। ରିପୋର୍ଟ ଅନୁସାରେ, ଫୁଲେରାରୁ ରେୱାରି ଯାଉଥିବା ଏକ ମାଲବାହୀ ଟ୍ରେନର ସମସ୍ତ 36ଟି କୋଚ୍ ଲାଇନଚ୍ୟୁତ ହୋଇଛି। ଦୁର୍ଘଟଣାର କାରଣ ବର୍ତ୍ତମାନ ଅସ୍ପଷ୍ଟ, କିନ୍ତୁ ଏକ ରେଳ ବୈଷୟିକ ଦଳ ତଦନ୍ତ କରୁଛନ୍ତି। କୌଣସି ମୃତାହତର ଖବର ନାହିଁ, କିନ୍ତୁ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି। ଅନେକ ଟ୍ରେନର ମାର୍ଗ ପରିବର୍ତ୍ତନ କିମ୍ବା ବିଳମ୍ବ ହେବାର ଆଶଙ୍କା କରାଯାଉଛି।
