୧୭ ବର୍ଷ ଝିଅ ସହ ଦୁଷ୍କର୍ମ କଲା ତାନ୍ତ୍ରିକ, ଆଉ ତା’ପରେ..

ନୂଆଦିଲ୍ଲୀ: ମୁମ୍ବାଇ ଭିରାରରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏଠାରେ ଦୁଇଜଣ ବ୍ୟକ୍ତି ଜଣେ ୧୭ ବର୍ଷୀୟ ନାବାଳିକାକୁ ଭୂତ ବାହାର କରିବା ବାହାନାରେ ଅନେକ ଥର ଦୁଷ୍କର୍ମ କରିଛନ୍ତି। ପୀଡିତାଙ୍କ ଅଭିଯୋଗ ପରେ, ପୋଲିସ ଉଭୟ ଅଭିଯୁକ୍ତଙ୍କୁ ଗିରଫ କରିଛି। ସୂଚନା ଅନୁଯାୟୀ, ପୀଡିତା କିଛି ମାସ ପୂର୍ବରୁ ଭିରାରର ଏକ ମନ୍ଦିରରେ ୨୨ ବର୍ଷୀୟ ତାନ୍ତ୍ରିକ ପ୍ରେମ ପାଟିଲଙ୍କୁ ଭେଟିଥିଲେ। ପ୍ରେମ ଝିଅଟିକୁ କହିଥିଲେ ଯେ, ତାଙ୍କ ଉପରେ ଏକ ଦୁଷ୍ଟ ଆତ୍ମା ଲାଗିଛି ଏବଂ ଏହାକୁ ସୁସ୍ଥ କରିବା ପାଇଁ ତାଙ୍କୁ ଶାରୀରିକ ସମ୍ପର୍କ ରଖିବାକୁ ପଡିବ। ପୀଡିତା ପୋଲିସକୁ କହିଛନ୍ତି ଯେ, ଜୁଲାଇ 30 ତାରିଖରେ ପ୍ରେମ ପାଟିଲ ଏବଂ ତାଙ୍କ ସାଥୀ କରଣ ପାଟିଲ ତାଙ୍କୁ ଭିରାରର ରାଜୋଡି ବିଚ୍ ନିକଟ ଏକ ଲଜ୍ କୁ ନେଇଯାଇଥିଲେ। ସେଠାରେ ଉଭୟ ତାଙ୍କୁ ଅନେକ ଥର ଦୁଷ୍କର୍ମ କରିଥିଲେ। ଏହି ଘଟଣା ପରେ ପୀଡିତା ତାଙ୍କ ସହ ହୋଇଥିବା ଅଘଟଣ ବିଷୟରେ ଜଣେ ବନ୍ଧୁଙ୍କୁ କହିଥିଲେ। ବନ୍ଧୁ ତାଙ୍କୁ ପୋଲିସରେ ଅଭିଯୋଗ କରିବାକୁ କହିଥିଲେ। ଏହା ପରେ ପୀଡିତା ସାହସ କରି ଭିରାର ପୋଲିସ ଷ୍ଟେସନରେ ଉଭୟ ଅଭିଯୁକ୍ତଙ୍କ ବିରୋଧରେ ଅଭିଯୋଗ ଦାଖଲ କରିଥିଲେ।