ନୂଆଦିଲ୍ଲୀ: ଫିରୋଜବାଦର ରାମଗଡ ଥାନା ଅଞ୍ଚଳରେ ଜଣେ ୫ ବର୍ଷର ଶିଶୁ କନ୍ୟାଙ୍କୁ ବଳାତ୍କାର କରିଥିବା ଅଭିଯୋଗରେ ଅଭିଯୁକ୍ତକୁ ଏନକାଉଣ୍ଟରରେ ଗିରଫ କରିଛି ପୋଲିସ ।ଅଭିଯୁକ୍ତଙ୍କ ଗୋଡରେ ଗୁଳି ବାଜିଛି ଏବଂ ଏନକାଉଣ୍ଟରରେ ଜଣେ ପୋଲିସ ଇନ୍ସପେକ୍ଟର ମଧ୍ୟ ଆହତ ହୋଇଛନ୍ତି। ଉଭୟଙ୍କୁ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି।ରାମଗଡ଼ ଥାନା ଅଞ୍ଚଳର ହସମତ ନଗରର ବାସିନ୍ଦା ସୁହେଲ ଓରଫ ଛୋଟୁ ଜଣେ ୫ ବର୍ଷର ଝିଅକୁ ଅପହରଣ କରି ବଳାତ୍କାର କରିଥିଲା। ଘଟଣା ପରଠାରୁ ସେ ଫେରାର୍ ଥିଲା ଏବଂ ପୋଲିସ ତାକୁ ଖୋଜୁଥିଲା। ୭ ଜୁଲାଇ ବିଳମ୍ବିତ ରାତିରେ ପୋଲିସ ସୂଚନା ପାଇଲା ଯେ ସୁହେଲ ରାମଗଡ଼ ଅଞ୍ଚଳର ଜଙ୍ଗଲରେ ଲୁଚି ରହିଛି।
ସୂଚନା ଆଧାରରେ, ପୋଲିସ ସେହି ଅଞ୍ଚଳକୁ ଘେରାବନ୍ଦୀ କରିଥିଲା। ନିଜକୁ ଘେରି ରହିଥିବା ଦେଖି, ସୁହେଲ ଖସିଯିବାକୁ ଚେଷ୍ଟା କରିଥିଲା ଏବଂ ପୋଲିସ ଉପରେ ଗୁଳି ଚଳାଇଥିଲା। ଏହି ସମୟରେ ସବ ଇନ୍ସପେକ୍ଟର ରାଜକୁମାରଙ୍କ ହାତରେ ଗୁଳି ବାଜିଥିଲା। ପାଲଟା ଜବାବରେ ପୋଲିସ ମଧ୍ୟ ଗୁଳି ଚଳାଇଥିଲା, ଯେଉଁଥିରେ ସୁହେଲଙ୍କ ଗୋଡରେ ଗୁଳି ବାଜିଥିଲା ଏବଂ ସେ ଘଟଣାସ୍ଥଳେ ପଡ଼ିଯାଇଥିଲେ। ପୋଲିସ ତୁରନ୍ତ ତାଙ୍କୁ ହେପାଜତକୁ ନେଇଥିଲା।
