ପାକିସ୍ତାନ: ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଶନିବାର ଦିନ ଦିନ ୧ଟାରେ ପାକିସ୍ତାନର ଇସଲାମାବାଦ ନିକଟରେ ରିକ୍ଟର ସ୍କେଲରେ ୫.୮ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା। ଭୂକମ୍ପର କେନ୍ଦ୍ରସ୍ଥଳ ୧୦ କିଲୋମିଟର ଗଭୀରତାରେ ଅବସ୍ଥିତ, ତେଣୁ ତୁରନ୍ତ ଜୀବନ କିମ୍ବା ସମ୍ପତ୍ତିର କୌଣସି କ୍ଷତି ହୋଇଥିବାର ସୂଚନା ନାହିଁ। ପାକିସ୍ତାନରେ ୩୩.୬୩ ଡିଗ୍ରୀ ଉତ୍ତର ଅକ୍ଷାଂଶ ଏବଂ ୭୨.୪୬ ଡିଗ୍ରୀ ପୂର୍ବ ଦ୍ରାଘିମାରେ ୫.୮ ତୀବ୍ରତାର ଏହି ଭୂମିକମ୍ପ ଘଟିଥିଲା। ଜମ୍ମୁ, ଶୋପିଆନ୍, ଶ୍ରୀନଗର ସମେତ ଭାରତର ଜମ୍ମୁ ଓ କାଶ୍ମୀରରେ ମଧ୍ୟ ଭୂମିକମ୍ପ ଅନୁଭୂତ ହୋଇଥିଲା।
ପାକିସ୍ଥାନୀ ଗଣମାଧ୍ୟମ ଅନୁସାରେ, ପାକିସ୍ତାନର କାରକ, ଚିନିଓଟ୍, ମିଆଁୱାଲି, ହାଫିଜାବାଦ, ଶେଖପୁରା, ଗୁଜରାନୱାଲା, ସାଙ୍ଗଲା ହିଲ୍, ସଫଦରବାଦ, ପିଣ୍ଡି ବାଟିଆନ୍ ଏବଂ ଆଟକ୍ ରେ ଭୂମିକମ୍ପ ଅନୁଭୂତ ହୋଇଥିଲା। ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଭୂମିକମ୍ପ ପରେ ଲୋକମାନେ ଘରୁ ବାହାରକୁ ବାହାରି ଆସିଥିଲେ। ପାକିସ୍ତାନ ପ୍ରାୟତଃ ବିଭିନ୍ନ ତୀବ୍ରତାର ଭୂମିକମ୍ପ ଦ୍ୱାରା ପ୍ରଭାବିତ ହୁଏ। ୨୦୦୫ ମସିହାରେ ଏହି ଦେଶରେ ସବୁଠାରୁ ଭୟଙ୍କର ଭୂମିକମ୍ପ ହୋଇଥିଲା, ଯେଉଁଥିରେ ୭୪,୦୦୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା।
