ଭୁବନେଶ୍ୱର: ସୁସ୍ଥ ଜୀବନଯାପନ ପାଇଁ ନିଜ ସ୍ୱାସ୍ଥ୍ୟର ଯତ୍ନ ନେବା ଅତ୍ୟନ୍ତ ଜରୁରୀ। ସୁସ୍ଥ ସ୍ୱାସ୍ଥ୍ୟ ପାଇଁ ହାର୍ଟ ସୁସ୍ଥ ରହିବା ମଧ୍ୟ ଗୁରୁତ୍ୱପୂର୍ଣ୍ଣ। କାରଣ ଆଜିକାଲି ସମୟରେ ହୃଦଘାତ ଯୋଗୁଁ ଅଧିକାଂଶ ଲୋକ ମୃତ୍ୟୁବରଣ କରୁଛନ୍ତି। ବର୍ତ୍ତମାନ ସମୟରେ ଯୁବପିଢ଼ି ଅଧିକ ହାର୍ଟ ଆଟାକର ଶିକାର ହେଉଛନ୍ତି। ତେବେ ଯେକୌଣସି ସମୟରେ ଯେକୌଣସି ବ୍ୟକ୍ତିଙ୍କୁ ହୃଦଘାତ ହୋଇପାରେ। ବ୍ରିଟିଶ ହାର୍ଟ ଫାଉଣ୍ଡେସନ ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ସୋମବାର ଦିନ ଲୋକଙ୍କ ହୃଦଘାତ ହେବାର ସମ୍ଭାବନା ଅଧିକ ଥାଏ। ରିପୋର୍ଟରେ କୁହାଯାଇଛି ଯେ, ଅନ୍ୟ ଦିନ ତୁଳନାରେ ସୋମବାର ଦିନ ହୃଦରୋଗର ଆଶଙ୍କା ୧୩ ପ୍ରତିଶତ ଅଧିକ ଥାଏ। ଏହାସହ ସକାଳ ସମୟରେ ହୃଦଘାତର ସମ୍ଭାବନା ମଧ୍ୟ ଅଧିକ ଥାଏ। ଏହାକୁ ‘ବ୍ଲୁ ମଣ୍ଡେ’ ମଧ୍ୟ କୁହାଯାଏ।
ହୃଦରୋଗ ବିଶେଷଜ୍ଞଙ୍କ କହିବା ଅନୁସାରେ, ହୃଦଘାତର ହେବାର କୌଣସି ନିର୍ଦ୍ଦିଷ୍ଟ ସମୟ ନଥିଲେ ମଧ୍ୟ, ଅଧିକାଂଶ ଲୋକଙ୍କର ସକାଳେ ହୃଦଘାତ ହେବାର ସମ୍ଭାବନା ଅଧିକ ଥାଏ । ଗୁରୁତ୍ୱପୂର୍ଣ୍ଣ କଥା ହେଉଛି, ଅନେକ ଅଧ୍ୟୟନରୁ ଜଣାପଡିଛି ଯେ, ଅଧିକାଂଶ ଲୋକ ଭୋର ୪ଟାରୁ ସକାଳ ୧୦ଟା ଭିତରେ ହୃଦଘାତର ଶିକାର ହୁଅନ୍ତି । କାରଣ ସକାଳେ ଉଠିବା ପରେ, ଆମ ଶରୀର ଦୈନନ୍ଦିନ କାର୍ଯ୍ୟକଳାପ ପାଇଁ ପ୍ରସ୍ତୁତ ହେବା ପାଇଁ ପ୍ରଚୁର ପରିମାଣରେ ଚାପ ସୃଷ୍ଟିକାରୀ ହରମୋନ କର୍ଟିସୋଲ ଏବଂ କ୍ୟାଟେକୋଲାମାଇନ୍ସ ଛାଡ଼ିଥାଏ । ଏହି ସମୟରେ, ହରମୋନର ସ୍ତର ବୃଦ୍ଧି ପାଇବା ଯୋଗୁଁ, ରକ୍ତ ଜମାଟ ବାନ୍ଧିବା ଏବଂ ରକ୍ତବାହୀ ନଳୀରେ ଅବରୋଧ ହେବାର ସମ୍ଭାବନା ଅଧିକ ଥାଏ। ବରିଷ୍ଠ ହୃଦରୋଗ ବିଶେଷଜ୍ଞ ଡାକ୍ତର ରମେଶ ଗୁଦାପତି ଏହା ମଧ୍ୟ କହିଛନ୍ତି ଯେ, ଚଇ୧ ନାମକ ଏକ ପ୍ରୋଟିନ୍ ଶରୀରରେ ରକ୍ତ ଜମାଟ ବାନ୍ଧିବାକୁ ରୋକିଥାଏ, ଯାହା ହୃଦଘାତର କାରଣ ମଧ୍ୟ ହୋଇପାରେ ।
ଅଧିକାଂଶ ବ୍ୟକ୍ତିଙ୍କ ସୋମବାର ଦିନ ହୃଦଘାତ ହୁଏ । ଏହାର ମୁଖ୍ୟ କାରଣ ହେଉଛି ଶନିବାର ଏବଂ ରବିବାର ଛୁଟିଦିନ ହୋଇଥିବାରୁ ମସ୍ତିଷ୍କ ଆରାମଦାୟକ ବା ସ୍ଥିର ଅବସ୍ଥାରେ ଥାଏ । ଏହି ଦିନଗୁଡ଼ିକ ବିଶେଷ କରି ଛୁଟି ଥିବାରୁ ଲୋକମାନେ ଡେରିରେ ଶୋଇଥାନ୍ତି । ରାତିରେ ବିଳମ୍ବରେ ଶୋଇବା ଫଳରେ ସକାଳେ ବିଳମ୍ବରେ ଉଠିଥାନ୍ତି । ଏହା ଦୈନନ୍ଦିନ ଜୀବନଶୈଳିରେ ବା ସର୍କାଡିଆନ୍ ରିଦିମ ପରିବର୍ତ୍ତନ ହୋଇଥାଏ । ସୋମବାର କାର୍ଯ୍ୟ ଦିବସ ଆରମ୍ଭ ହେବା ପୂର୍ବରୁ ମନ ଏବଂ ଶରୀର ଶାନ୍ତ ହୋଇଯାଏ । ସୋମବାର ଏକ କାର୍ଯ୍ୟଦିବସ। ବିଶେଷଜ୍ଞମାନେ କହିଛନ୍ତି ଯେ, କାମର ଚାପ ଯୋଗୁଁ ଶରୀରରେ ଅତ୍ୟଧିକ ପରିମାଣର ଷ୍ଟ୍ରେସ ହରମୋନ ନିର୍ଗତ ହୁଏ, ଯାହା ହୃଦଘାତର କାରଣ ହୋଇପାରେ ।
