ଓସ୍କାର ୨୦୨୫: ବିଜେତାଙ୍କ ସମ୍ପୂର୍ଣ୍ଣ ତାଲିକା ଜାଣନ୍ତୁ

ନୂଆଦିଲ୍ଲୀ: ରବିବାର ରାତିରେ ଓସ୍କାର ପୁରସ୍କାର ୨୦୨୫ ଲସ୍ ଆଞ୍ଜେଲସର ଡଲବି ଥିଏଟରରେ ଆୟୋଜିତ ହୋଇଥିଲା । ସୋମବାର ସକାଳ ୫.୩୦ ଟାରୁ ଭାରତରେ ଏହି କାର୍ଯ୍ୟକ୍ରମର ସିଧା ପ୍ରସାରଣ କରାଯାଇଥିଲା । ଏହି ବର୍ଷ କୌଣସି ଭାରତୀୟ ଚଳଚ୍ଚିତ୍ର ନାମାଙ୍କନ ପାଇନାହିଁ । ପ୍ରିୟଙ୍କା ଚୋପ୍ରାଙ୍କ ସହ-ପ୍ରଯୋଜନାକୁ ଶ୍ରେଷ୍ଠ ଲାଇଭ୍ ଆକ୍ସନ୍ ସର୍ଟ ଫିଲ୍ମ ବର୍ଗରେ ମନୋନୀତ କରାଯାଇଥିଲା କିନ୍ତୁ ଏହାକୁ ଆଇ ଆମ୍ ନଟ୍ ଏ ରୋବୋଟ୍ ପରାସ୍ତ କରିଥିଲା । ବିଜେତାମାନଙ୍କ ସମ୍ପୂର୍ଣ୍ଣ ତାଲିକା ଏଠାରେ ଆମେ ଜଣାଉଛୁ । ୯୭ତମ ଏକାଡେମୀ ପୁରସ୍କାର ବା ଓସ୍କାର ପୁରସ୍କାର ୨୦୨୫ ଏଥର ଏମି ବିଜେତା ଲେଖକ, ପ୍ରଯୋଜକ ଏବଂ ହାସ୍ୟ ଅଭିନେତା କୋନାନ ଓ’ବ୍ରାଏନ୍ ଦ୍ୱାରା ଆୟୋଜିତ ହୋଇଥିଲା । ଏଥର, ଦି ବ୍ରୁଟାଲିଷ୍ଟ ଏବଂ ଆନୋରା ୩ଟି କରି ଅସ୍କାର ପୁରସ୍କାର ଜିତିଛନ୍ତି । ଏଠାରେ ବିଜେତାମାନଙ୍କ ସମ୍ପୂର୍ଣ୍ଣ ତାଲିକା ଅଛି । ଶ୍ରେଷ୍ଠ ଅଭିନେତା ପୁରସ୍କାର ଆଡ୍ରିଏନ୍ ବ୍ରୋଡି (ଦି ବ୍ରୁଟାଲିଷ୍ଟ) ଜିତିଥିଲେ । ମିକି ମ୍ୟାଡିସନ୍ (ଆନୋରା) ଶ୍ରେଷ୍ଠ ଅଭିନେତ୍ରୀ ପାଇଁ ଓସ୍କାର ଜିତିଥିଲେ । ସିଆନ୍ ବେକର ତାଙ୍କ ଚଳଚ୍ଚିତ୍ର ଆନୋରା ପାଇଁ ଶ୍ରେଷ୍ଠ ନିର୍ଦ୍ଦେଶକ ପାଇଁ ଓସ୍କାର ଜିତିଥିଲେ। ଜୋ ସାଲଡାନା ଶ୍ରେଷ୍ଠ ସହାୟକ ଅଭିନେତ୍ରୀ ପୁରସ୍କାର ଜିତିଲେ । କିରାନ କଲକିନ୍ ଶ୍ରେଷ୍ଠ ସହାୟକ ଅଭିନେତା ପାଇଁ ଓସ୍କାର ଜିତିଥିଲେ । ପିଏରେ ଅଲିଭିୟର ପର୍ସିନ୍, ଷ୍ଟେଫାନି ଗୁଲିଆନ୍ ଏବଂ ମାର୍ଲିନ୍ ସ୍କାରସେଲି “ସବଷ୍ଟେନ୍ସ” ଚଳଚ୍ଚିତ୍ର ପାଇଁ ଶ୍ରେଷ୍ଠ ମେକଅପ୍ ଏବଂ କେଶ ସଜ୍ଜା ପାଇଁ ଓସ୍କାର ଜିତିଛନ୍ତି । ଶ୍ରେଷ୍ଠ ଅନୁକୂଳିତ ଚିତ୍ରନାଟ୍ୟ ପାଇଁ କନକ୍ଲେଭ ଓସ୍କାର ଜିତିଲା ଆନୋରା ସର୍ବୋତ୍ତମ ମୌଳିକ ଚିତ୍ରନାଟ୍ୟ ପାଇଁ ଓସ୍କାର ଜିତିଥିଲେ । ପଲ୍ ଟାଜେଭେଲ୍ ଶ୍ରେଷ୍ଠ ପୋଷାକ ଡିଜାଇନ୍ ପୁରସ୍କାର ଜିତିଛନ୍ତି। ଫ୍ଲୋକୁ ଶ୍ରେଷ୍ଠ ଆନିମେଟେଡ୍ ଫିଚର୍ ଫିଲ୍ମ ବର୍ଗରେ ଓସ୍କାର ପୁରସ୍କାର ମିଳିଛି । “ଆଇ ଆମ୍ ନଟ୍ ଏ ରୋବୋଟ୍” ଶ୍ରେଷ୍ଠ ଲାଇଭ୍ ଆକ୍ସନ୍ ସର୍ଟ ଫିଲ୍ମ ବର୍ଗରେ ଓସ୍କାର ପୁରସ୍କାର ଜିତିଛି । “ଆଇ ଆମ୍ ଷ୍ଟିଲ୍ ହେୟାର୍” ସର୍ବୋତ୍ତମ ଆନ୍ତର୍ଜାତୀୟ ଫିଚର୍ ଫିଲ୍ମ ବର୍ଗରେ ଓସ୍କାର ପୁରସ୍କାର ଜିତିଛି। ଡ୍ୟୁନ୍ ପାର୍ଟ ୨ ଶ୍ରେଷ୍ଠ ଶବ୍ଦ ଏବଂ ଶ୍ରେଷ୍ଠ ଦୃଶ୍ୟ ପ୍ରଭାବ ପାଇଁ ଓସ୍କାର ଜିତିଛି। ନାଥନ୍ କ୍ରାଉଲି (ପ୍ରଡକ୍ସନ୍ ଡିଜାଇନ୍) ଏବଂ ଲି ସାଣ୍ଡଲେସ୍ (ସେଟ୍ ଡେକୋରେସନ୍) ଶ୍ରେଷ୍ଠ ପ୍ରଡକ୍ସନ୍ ଡିଜାଇନ୍ ବର୍ଗରେ ୱିକେଡ୍ ଫିଲ୍ମ ପାଇଁ ଓସ୍କାର ପୁରସ୍କାର ପାଇଛନ୍ତି । ଚଳଚ୍ଚିତ୍ର “ଆନୋରା” ଶ୍ରେଷ୍ଠ ଚଳଚ୍ଚିତ୍ର ସମ୍ପାଦନା ପାଇଁ ଓସ୍କାର ପୁରସ୍କାର ଜିତିଛି । “ଦି ବ୍ରୁଟାଲିଷ୍ଟ” ସର୍ବୋତ୍ତମ ମୌଳିକ ସ୍କୋର ପାଇଁ ଓସ୍କାର ଜିତିଥିଲେ ।