ଗୁଜୁରାଟ: ଗୁଜୁରାଟର ବନାସକାଣ୍ଠା ଜିଲ୍ଲାରେ ବାଲି ବୋଝେଇ ଡମ୍ପର ଟ୍ରକ୍ ଓଲଟି ପଡ଼ିବାରୁ ଚାରି ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ନାମ ରେଣୁକାବେନ ଗଣୱା (୨୪), ସୋନାଲବେନ ନିନାମା (୨୨), ଇଲାବେନ ଭାଭୋର (୪୦) ଏବଂ ରୁଦ୍ର (୨) ବୋଲି ଚିହ୍ନଟ କରାଯାଇଛି। ରବିବାର ପୋଲିସ କହିଛି ଯେ ଏହି ଦୁର୍ଘଟଣାରେ ତିନି ଜଣ ମହିଳା ଏବଂ ଜଣେ ଶିଶୁ ‘ଟ୍ରକ ତଳେ ଚାପି ହୋଇ ମୃତ୍ୟୁବରଣ କରିଛନ୍ତି। ପୋଲିସ ସୂଚନା ଅନୁସାରେ, ଶନିବାର ସନ୍ଧ୍ୟାରେ ଜିଲ୍ଲାର ଖେଙ୍ଗାରପୁରା ଗାଁରେ ରାସ୍ତା ନିର୍ମାଣ କାର୍ଯ୍ୟ ଚାଲିଥିବା ସମୟରେ ଏହି ଏଭଳି ଘଟଣା ଘଟିଥିଲା। ଡେପୁଟି ପୋଲିସ ସୁପରିଣ୍ଟେଣ୍ଡେଣ୍ଟ ଏସଏମ ଭାରୋତରିଆ କହିଛନ୍ତି ଯେ, ଡମ୍ପରଟି ଏକ ସଂକୀର୍ଣ୍ଣ ରାସ୍ତା ଦେଇ ଯିବାକୁ ଚେଷ୍ଟା କରି ରାସ୍ତା ନିର୍ମାଣ କାର୍ଯ୍ୟ କରୁଥିବା ଶ୍ରମିକଙ୍କ ଉପରେ ପଡ଼ିଗଲା । ଅଧିକାରୀମାନେ କହିଛନ୍ତି ଯେ କ୍ରେନ୍ ଏବଂ ବୁଲଡୋଜର ସାହାଯ୍ୟରେ ଟ୍ରକ୍ ତଳେ ଫସି ରହିଥିବା ମହିଳା ଏବଂ ଶିଶୁଙ୍କୁ ବାହାର କରିବାକୁ ପ୍ରାୟ ଦୁଇ ଘଣ୍ଟା ସମୟ ଲାଗିଲା। ଅଧିକାରୀମାନେ କହିଛନ୍ତି ଯେ ଚାରି ଜଣଙ୍କୁ ତୁରନ୍ତ ଏକ ସରକାରୀ ଡାକ୍ତରଖାନାକୁ ନିଆଯାଇଥିଲା ଯେଉଁଠାରେ ସେମାନଙ୍କୁ ଡାକ୍ତର ମୃତ ଘୋଷଣା କରିଥିଲେ । ତାପରେ ମୃତଦେହଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଯାଇଛି ବୋଲି ସେ କହିଛନ୍ତି।
