ଡିସେମ୍ବର ୨୧ରେ କୁଏତ ଗସ୍ତରେ ଯିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିସେମ୍ବର ୨୧- ୨୨ ରେ  କୁଏତ ଗସ୍ତ କରିବେ ।  ଗତ ୪୩ ବର୍ଷ ମଧ୍ୟରେ  କୌଣସି ଭାରତୀୟ ପ୍ରଧାନମନ୍ତ୍ରୀଙ୍କ   ଏହା ପ୍ରଥମ କୁଏତ ଗସ୍ତ । କୁଏତର ବୈଦେଶିକ ମନ୍ତ୍ରୀ  ଅବଦୁଲ୍ଲା ଅଲ୍ଲୀ  ଅଲ ୟାହିୟା  ଭାରତ ଗସ୍ତରେ ଆସିଥିଲେ । ସେ ଭାରତର  ବୈଦେଶିକ ବ୍ୟାପାର ମନ୍ତ୍ରୀ   ଏସ ଜୟଶଙ୍କରଙ୍କୁ ଭେଟିଥିଲେ । ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି  ଏହି ଗସ୍ତ ଭାରତ ଏବଂ କୁଏତ ମଧ୍ୟରେ ବହୁମୁଖୀ ସମ୍ପର୍କକୁ ଆହୁରି ସୁଦୃଢ଼ କରିବ । ସହଯୋଗକୁ ଆହୁରି ବଢ଼ାଇବା ପାଇଁ ବୁଧବାର ଦୁଇ ଦେଶ ମଧ୍ୟରେ ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଛି ।