ଶିମିଳିପାଳ ଅଭୟାରଣ୍ୟରୁ ଗିରଫ ହେଲେ ୩ଶିକାରୀ

ମୟୁରଭଞ୍ଜ: ମୟୁରଭଞ୍ଜ ଜିଲ୍ଲା ଶିମିଳିପାଳ ଅଭୟାରଣ୍ୟରୁ ଗିରଫ ହେଇଛନ୍ତି ୩ ଶିକାରୀ। ବନ୍ୟଜନ୍ତୁଙ୍କୁ ଶିକାରୀ ଦାଉରୁ ସୁରକ୍ଷା ନିମନ୍ତେ ଲଗା ଯାଇଥିବା ଏଆଇ କ୍ୟାମେରା ସହାୟତାରେ ୩ ଜଣ ଦୁର୍ଦ୍ଦାନ୍ତ ଶିକାରୀଙ୍କୁ ଧରିଛି ବନବିଭାଗ। ସୁରକ୍ଷା ପାଇଁ ଶିମିଳିପାଳ ଆଭ୍ୟନ୍ତରୀଣ ଅଞ୍ଚଳରେ ଲଗା ଯାଇଥିବା ଅତ୍ୟାଧୁନିକ ଟ୍ରାପ କ୍ୟାମେରାରେ ଶିକାରୀଙ୍କ ଫଟୋ କଏଦ ହୋଇଥିଲା । ଏହାକୁ ଭିତ୍ତିକରି ଯାଞ୍ଚ ପ୍ରକ୍ରିୟା ଆରମ୍ଭ କରିଥିଲା ବନବିଭାଗ । ପ୍ରଥମେ ଜଣେ ଶୀକାରୀକୁ ଧରିବା ପରେ ପରେ ଆଉ ଦୁଇ ଜଣକୁ ଧରିବାରେ ସଫଳତା ମିଳିଛି । ଗିରଫ ଶିକାରୀଙ୍କ ଠାରୁ ପାଞ୍ଚଟି ଦେଶୀ ବନ୍ଧୁକ, ଗୋଟିଏ ଅଧା ତିଆରି ବନ୍ଧୁକ, ବାରୁଦ ସହ ଶିକାର ପାଇଁ ବ୍ୟବହୃତ ସାମଗ୍ରୀ ଜବତ ହୋଇଛି।