ଭୟାବହ ଅଗ୍ନିକାଣ୍ଡ ; ୬ ମୃତ, ୫୧ ଆହତ

ମୁମ୍ବଇ : ମହାରାଷ୍ଟ୍ରର ଗୋରାଗାଓଁରେ ଏକ ଅଟ୍ଟାଳିକାରେ ଶୁକ୍ରବାର ଅଗ୍ନିକାଣ୍ଡ ଘଟିଥିବା ନେଇ ଖବର ମିଳିଛି। ଏହି ଅଗ୍ନିକାଣ୍ଡରେ ପ୍ରାୟ ୬ ଜଣଙ୍କ ମୃତ୍ୟୁ ହେବା ସହ ୫୧ ଆହତ ହୋଇଛନ୍ତି। ଏହାସହ ପ୍ରାୟ ୫ ଜଣ ଗୁରୁତର ଆହତ ହୋଇଛନ୍ତି। ଆହତଙ୍କ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ୭ ମହଲା ବିଶିଷ୍ଟ ଏହି ଅଟ୍ଟାଳିକାଟି ଗୋରେଗାଓଁ ପଶ୍ଚିମର ଆଜାଦ ନଗର ଅଞ୍ଚଳରେ ସ୍ଥିତ। ସୂଚନାନୁଯାୟୀ, ଏହି ଅଗ୍ନିକାଣ୍ଡରେ ଅନେକ ଲୋକେ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ୨ ଶିଶୁ,୨ ମହିଳା ସମେତ ୬ ଜଣ ରହିଛନ୍ତି। ଖବର ପାଇ ଅଗ୍ନିଶମ କର୍ମଚାରୀ ,ପୁଲିସ ଘଟଣା ସ୍ଥଳରେ ପହଞ୍ଚି ପ୍ରାୟ ୪ ଘଣ୍ଟା ପରେ ନିଆଁକୁ ଆୟତ୍ତ କରିଥିଲେ। ତଳ ମହଲାରେ ଥିବା ଦୋକାନ,ଅନ୍ୟ ସାମଗ୍ରୀ, ପାର୍କିଂରେ ଥିବା ଗାଡିରେ ନିଆଁ ଲାଗିଯିବାରୁ ଅନ୍ୟ ମହଲାରେ ନିଆଁ ବ୍ୟାପି ଲୋକେ ଫସି ରହିଥିଲେ। ପୁଲିସ ଘଟଣାର ତଦନ୍ତ ଆରମ୍ଭ କରିଛି।