ଭୁବନେଶ୍ବର: ମହିଳାଙ୍କ ବେକରୁ ସୁନା ଚେନ ଲୁଟ ମାମଲାରେ ଆଉ ଏକ ଅଭିଯୁକ୍ତ ଗିରଫ କରିଛି ପୋଲିସ । ବଡ଼ବିଲରୁ ଅଭିଯୁକ୍ତକୁ ଧରିଛି ଏୟାରଫିଲଡ ଥାନା ପୋଲିସ । ଗତ ୧୧ ତାରିଖ ଦିନ ଏୟାରଫିଲଡ ଥାନା ଲବଣଗିରିଠାରେ ମନ୍ଦିର ଯାଉଥିବା ବେଳେ ମହିଳାଙ୍କ ବେକରୁ ସୁନା ଚେନ ଲୁଟ କରିଥିଲେ ଦୃବୃର୍ତ୍ତ । ଲୁଟ ବେଳେ ମହିଳା ଜଣକ ତଳେ ପଡିଯାଇଥିଲେ । ଚିକିତ୍ସା ବେଳେ ମହିଳାଙ୍କ ମୃତ୍ୟୁ ହୋଇଥିଲା । ଅଭିଯୁକ୍ତଙ୍କୁ ଧରିବା ପାଇଁ ୬ ଟି ସ୍ପେଶାଲ ଟିମ ଗଠନ ହୋଇଥିଲା । ୪ ଟି ଟିମ ଓଡ଼ିଶାରେ ରେଡ କରୁଥିବା ବେଳେ ଅନ୍ୟ ଦୁଇଟି ଟିମ ଝାଡ଼ଖଣ୍ଡରେ କରିଥିଲା ମାରାଥନ ରେଡ । ୨ ଦିନ ତଳେ ଅନ୍ୟ ଅଭିଯୁକ୍ତ ରାଜା ନାଇଡୁକୁ ମଧ୍ୟ ଗିରଫ କରିଥିଲା ପୋଲିସ । ତା’ ଠାରୁ ଲୁଟ ହୋଇଥିବା ସୁନା ଚେନ ଜବତ କରାଯାଇଥିଲା । ଖୁବଶୀଘ୍ର ୨ ଅଭିଯୁକ୍ତଙ୍କ ଟିଆଇ ପରେଡ କରାଯିବ ବୋଲି ସୂଚନା ମିଳିଛି ।
