ନୂଆଦିଲ୍ଲୀ : ଦିନକୁ ଦିନ ଦିଲ୍ଲୀର ବାୟୁ ଅବସ୍ଥା ବିଗିଡିବାରେ ଲାଗିଛି । ଦିଲ୍ଲୀରେ ଘେରି ରହିଥିବା ଧୂଆଁ ବାୟୁ ଗୁଣବତ୍ତା ସୂଚକାଙ୍କ ୪୩୨ ର ଗୁରୁତର ସ୍ତରକୁ ବୃଦ୍ଧି ହେବା ପରେ ଏବେ ଦିଲ୍ଲୀ ବାସୀଙ୍କୁ ଚିନ୍ତା ବଢିଛି । ତେବେ ଗତକାଲିଠାରୁ ଅବଶ୍ୟ ସାମାନ୍ୟ କମ ରହିଛି । ଗତକାଲି ଦିଲ୍ଲୀର ଏକ୍ୟୁଆଇ ୪୫୨ ରହିଥିଲା । ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ସକାଳ ୬.୩୦ ସୁଦ୍ଧା ଦୃଶ୍ୟମାନ୍ୟତା ୫୦୦ ମିଟରକୁ ଖସିଛି । ନ ଦେଖାଯିବା ହେତୁ ବିମାନ ଉଡାଣ ଉପରେ ପ୍ରଭାବ ପକାଇବ ବୋଲି ଆଶଙ୍କା କରାଯାଉଛି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁଯାୟୀ , ରାଜଧାନୀ ଅଞ୍ଚଳର ଅଧିକାଂଶ ସ୍ଥାନରେ ଦିଲ୍ଲୀର ଏକ୍ୟୁଆଇ ୪୫୦ରୁ ଅଧିକ ରେକର୍ଡ ହୋଇଛି ।
