ବ୍ୟୁରୋ : ରାଜ୍ୟରେ ବର୍ତ୍ତମାନ ଶୁଖିଲା ପାଗ ଦେଖାଯାଉଛି । ଆଜିଠାରୁ ୭ ଦିନ ଯାଏ ପାଗରେ କୌଣସି ପରିବର୍ତ୍ତନ ନାହିଁ । ଏନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ଆସନ୍ତା ୨୪ ଘଣ୍ଟାରେ ଉପକୂଳ ଓଡିଶାର କିଛି କିଛି ଜାଗାରେ ହାଲୁକାରୁ ମଧ୍ୟମ ଧରଣର ବର୍ଷା ହେବ ବୋଲି ଆକଳନ କରାଯାଉଛି । ସେହିପରି ଆସନ୍ତାକାଲି କେନ୍ଦ୍ରାପଡା ,ଜଗତସିଂହପୁର , କଟକ , ଗଂଜାମ , ଗଜପତି , କନ୍ଧମାଳ , ନୟାଗଡ , ମୟୁରଭଞ୍ଜ, କେନ୍ଦୁଝର , ଖୋର୍ଦ୍ଧା ଓ ପୁରୀ ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ହେବାକୁ ଥିବା ବେଳେ ଅବଶିଷ୍ଟ ଜିଲ୍ଲାରେ ପାଗ ଶୁଖିଲା ରହିବ । ସେପଟେ ବାୟୁ ମଣ୍ଡଳରେ ଆଦ୍ରତାର ପରିମାଣ ମାତ୍ରାଧିକ ଥିବାରୁ ଶୀତ ଅନୁଭବ ହେଉନାହିଁ । ଏହା ସହ ଦିନର ତାପମାତ୍ରା ସ୍ୱାଭାବିକ ରହୁଛି । ଆଉ କିଛି ଦିନ ପରେ ଆଗାମୀ ସପ୍ତାହ ଆଡକୁ ଶୀତ ଅନୁଭବ ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
