ଓଡିଶା ଟେଲିଭିଜନ ନେଟୱର୍କ ଷ୍ଟୁଡିଓରେ ଅଗ୍ନିକାଣ୍ଡ

ବ୍ୟୁରୋ : ଖୋର୍ଦ୍ଧା ଜିଲ୍ଲା ସାରୁଅସ୍ଥିତ ଓଡିଶା ଟେଲିଭିଜନ ନେଟୱର୍କ ଷ୍ଟୁଡିଓରେ ଗତ ରାତିରେ  ଭୟାବହ ଅଗ୍ନିକାଣ୍ଡ ଘଟିଛି ।  ଏଥିରେ ଲକ୍ଷାଧିକ ଟଙ୍କାର ଆସବାବ ପତ୍ର ପୋଡିଯାଇଛି ।  ଏନେଇ ଅଗ୍ନିଶମ ବିଭାଗର ୪ଟି ଟିମ ଘଟଣା ସ୍ଥଳରେ ପହଞ୍ଚି  ନିଆଁକୁ ଆୟତ୍ତ କରିଛନ୍ତି । ଗତକାଲି ଷ୍ଟୁଡିଓରେ ସୁଟିଂ ଚାଲିଥିଲା  । ସୁଟିଂ ସରିବା ପରେ  ରାତିରେ ସମସ୍ତେ  ସେଠାରୁ ଚାଲିଯାଇଥିବା ବେଳେ  ଷ୍ଟୁଡିଓ ଗେଟରେ ତାଲା ପଡିଥିଲା ।  କିନ୍ତୁ ବିଳମ୍ବିତ ରାତିରେ ନିଆଁ ଲାଗିଥିବା ଅନୁମାନ କରାଯାଉଛି ।  ଏହା ଦେଖି ସ୍ଥାନୀୟ ଲୋକେ  ତୁରନ୍ତ ଅଗ୍ନିଶମ ବିଭାଗକୁ ଖବର ଦେଇଥିଲେ ।  ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି  ବହୁ ପରିଶ୍ରମ ପରେ ନିଆଁକୁ ଆୟତ୍ତ କରିଥିବା ଜଣାପଡିଛି । ଏହି ଅଗ୍ନିକାଣ୍ଡ ବିଦ୍ୟୁତ ସର୍ଟ ସର୍କିଟରୁ ହୋଇଥିବା ଜଣାପଡିଛି । ସବୁ ଆସବାବ ପତ୍ର  ଜଳି ପୋଡି ପାଉଁଶ ହୋଇଯାଇଛି ।  ତେବେ ଷ୍ଟୁଡିଓ ଭିତରେ କେହି କର୍ମଚାରୀ ନଥିବାରୁ ଅଳ୍ପକେ ବର୍ତ୍ତି ଯଇଛନ୍ତି ।  ପୁଲିସ ଘଟଣାର ତଦନ୍ତ ଆରମ୍ଭ କରୁଛି ।