ଟ୍ରେନ ଧକ୍କାରେ ଦନ୍ତା ହାତୀର ମୃତ୍ୟୁ  

ବ୍ୟୁରୋ : ଚଢିଗଲା ଦନ୍ତାହାତୀ ଉପରେ ମାଲବାହୀ ଟ୍ରେନ  । ଢେଙ୍କାନାଳ – ଅନୁଗୋଳ  ମଧ୍ୟରେ ଥିବା  ମେରାମଣ୍ଡଳ ଷ୍ଟେସନ ନିକଟରେ ଏହି ଦୁର୍ଘଟଣା ଘଟିଛି । ମୃତ ହାତୀଟି ୧୪ରୁ ୧୫ ବର୍ଷ ହେବା ବୋଲି ପୂର୍ବାନୁମାନ କରାଯାଇଛି । ଗତକାଲି ବିଳମ୍ବିତ ରାତିରେ  ହାତୀ ପଲ  ରେଳଧାରଣା ପାର ହୋଇ ଯାଉଥିଲେ । ଏହି ସମୟରେ  ମାଲବାହୀ ଟ୍ରେନଟି  ସେହି ଟ୍ରାକ ଦେଇ ଯିବା ବେଳେ  ହାତୀଟିକୁ  ଧକ୍କା ଦେଇଥିଲା । ହାତୀଟି ଛିଟିକି  ତଳେ ଅନ୍ୟତ୍ର ପଡିଯାଇଥିଲା ।  ଘଟଣା ସ୍ଥଳରେ ହାତୀଟିର ମୃତ୍ୟୁ ହୋଇଛି ।  ଏହାପରେ  ଘଟଣା ସ୍ଥଳରେ ବନ ବିଭାଗ ଟିମ ଓ ସ୍ଥାନୀୟ ପୁଲିସ ପହଞ୍ଚି ହାତୀର ମୃତଦେହକୁ ଉଦ୍ଧାର କରିଥିଲା ।  ତେବେ କେଉଁପରିସ୍ଥିତିରେ ଦୁର୍ଘଟଣା ଘଟିଲା ତାହା ଏଯାବତ ସ୍ପଷ୍ଟ ଜଣାପଡିନାହିଁ ।  ଏନେଇ ପୁଲିସ ଓ ବନ ବିଭାଗ ଘଟଣାର ତଦନ୍ତ କରୁଛନ୍ତି ।