ମୂହୁରତ ଟ୍ରେଡିଂର ବିଶେଷତ୍ତ୍ୱ

ଭୁବନେଶ୍ୱର :  ଜଗତର ଅନ୍ଧକାରକୁ  ଦୂର କରି  ଖୁସିର ଆଲୋକ ବୁଣୁଥିବା ପର୍ବ ଦୀପାବଳୀ ।  ଘନ ଅନ୍ଧାର ରାତିରେ ବି ଧରାପୃଷ୍ଠକୁ  ଆଲୋକିତ କରୁଥିବା ପର୍ବ ଦୀପୀବଳୀ ।  ଏହି ପର୍ବ କୁ କେବଳ ସାଧାରଣ ଲୋକ ନୁହଁନ୍ତି  ଷ୍ଟକ ମାର୍କେଟ ନିବେଶକମାନେ ମଧ୍ୟ  ଏହି ଆଲୋକର ପର୍ବ କୁ ଅପେକ୍ଷା କରିଥାନ୍ତି ।  ପ୍ରକୃତରେ ଦୀପାବଳୀର  ଇକ୍ସଆରରେ  ସ୍ୱତନ୍ତ୍ର ମୁହୂରତ ଟ୍ରେଡିଂର  ଏକ ପରମ୍ପରା ରହିଛି । ହେଲେ ଏହିଥର କେତେବେଳେ ଏବଂ କେଉଁ ସମୟରେ  ଏହା ଘଟିବ ତାହା ନ୍ୟାସନାଲ ଷ୍ଟକ  ଏକ୍ସଚେଞ୍ଜ ଦ୍ୱାରା ପ୍ରକାଶ ପାଇଛି । ବିଏସଇ- ଏନଏସଇ  ନଭେମ୍ବର ୧ରେ ଦିୱାଲୀ ଅବସରରେ  ଏକ ଘଣ୍ଟିଆ  ସ୍ୱତନ୍ତ୍ର  ମୁହୂରତ  ବାଣିଜ୍ୟ  ଅଧିବେଶନ  ଆୟୋଜନ କରିବ ।  ଏହା ସନ୍ଧ୍ୟା ୬ରୁ  ୭ ମଧ୍ୟରେ ହେବ ।  ଦୀପାବଳୀ ଦିନ ଷ୍ଟକ ମାର୍କେଟରେ ସ୍ୱତନ୍ତ୍ର  ବାଣିଜ୍ୟର ଏକ ପରମ୍ପରା ରହିଛି ଯାହାକୁ ମୁହୂରତ ବାଣିଜ୍ୟ କୁହାଯାଏ । ଯଦିଓ ଦୀପୀବଳୀରେ  ଷ୍ଟକ ମାର୍କେଟ ବନ୍ଦ ରହିଛି , ଏହା ମାତ୍ର ଏକ ଘଣ୍ଟା ପାଇଁ ସ୍ୱତନ୍ତ୍ର ଭାବେ ଖୋଲା ରହିବ । ଏହି ଏକ ଘଣ୍ଟାରେ ନିବେଶକମାନେ  ଛୋଟ ନିବେଶ କରି ବଜାର ପରମ୍ପରାକୁ ଅନୁସରଣ କରନ୍ତି ।  ବିଶ୍ୱାସ କରାଯାଏ  ଏହି ଦିନ ଶୁଭ କାରବାର ସମୃଦ୍ଧତା ଆଣିଥାଏ  ଏବଂ ନିବେଶକମାନେ  ବର୍ଷସାରା  ଧନସମ୍ପତ୍ତିରେ  ପରିଣତ ହୁଏ । ନିବେଶ ଆରମ୍ଭ ପାଇଁ  ଷ୍ଟକ ମାର୍କେଟର  ନିବେଶକମାନେ  ଏହି ଦିନକୁ ଅତ୍ୟନ୍ତ ସ୍ୱତନ୍ତ୍ର  ମନେ କରନ୍ତି ।  ବିଶ୍ୱାସ କରାଯାଏ ଯେ  ମୂହୁରତ କାରବାର ସମୟରେ  ଅନେକ ଲୋକ  ସେମାନଙ୍କର  ନିବେଶ ଆରମ୍ଭ କରନ୍ତି ।  ଲୋକମାନେ ଏହି ସମୟରେ ଅଂଶଧନ  କିଣିବା ଶୁଭ ବୋଲି  ବିବେଚନା କରନ୍ତି ।  ଲୋକମାନେ ବିଶ୍ୱାସ କରନ୍ତି ଯେ  ଏହି ଶୁଭ ଅବସରରେ  ବାଣିଜ୍ୟ କରୁଥିବା  ବ୍ୟକ୍ତିମାନେ ବର୍ଷସାରା  ଟଙ୍କା ରୋଜଗାର ଏବଂ ସମୃଦ୍ଧତା ହାସଲ କରିବାର ଏକ ଉତ୍ତମ ସୁଯୋଗ ପାଇଥାନ୍ତି  ।