ଭୁବନେଶ୍ୱର : ଫଳ ରସ ପିଇବା ଦେହ ପାଇଁ ଭଲ ହୋଇଥାଏ । ଏଥିରେ ଭିଟାମିନ, ମିନେରାଲସ ଏବଂ ହାଇଡ୍ରେସନ ଏକାସହିତ ମିଳିଥାଏ । ଏହା ଶରୀରକୁ ଶକ୍ତି ଦେଇଥାଏ । ହେଲେ ଆପଣ କଣ ଜାଣିଛନ୍ତି କି ଆମ ଦୈନନ୍ଦିନ ଜୀବନରେ କେଉଁ ଫଳ ରସ ଦେହପାଇଁ ହିତକାର ହୋଇଥାଏ ? ଅଁଳା ରସ ପ୍ରତ୍ୟକ ଦିନ ପିଇବା ଉଚିତ। ଖାଲି ପେଟରେ ସକାଳେ ଏବଂ ସନ୍ଧ୍ୟାରେ ଅଁଳା ରସ ପିଇବା ଉଚିତ । କିନ୍ତୁ ରାତିରେ ପିଇବେ ନାହିଁ । କାରଣ ଥଣ୍ଡା ହେବା ସହିତ ଗଳା ଖରାପ ହେବାର ସମ୍ଭାବନା ରହିଥାଏ ।
କହିବାକୁ ଗଲେ ଅଧିକାଂଶ ଲୋକ ଜାଣନ୍ତି ଯେ ଅଁଳାରେ ଭିଟାମିନ ଭରପୁର ମାତ୍ରାରେ ଥାଏ । କିନ୍ତୁ ଲୋକମାନେ ଜାଣନ୍ତି ନାହିଁ ଯେ ଅଁଳାରେ କ୍ୟାଲସିୟମ ଥିବା ଯୋଗୁଁ ଏହା ଶରୀର ପାଇଁ ବେଶ ଉପଯୋଗୀ ହୋଇଥାଏ । ବିଜ୍ଞାନ ଅନୁସାରେ ଅଁଳା ରସ ଅଷ୍ଟିପୋରୋସିସ ବିରୁଦ୍ଧରେ ପ୍ରଭାବଶାଳୀ ପକାଏ ବୋଲି ଜଣାପଡିଛି । ଏହି ରୋଗରେ ହାଡ ମଜଭୁତ ହୋଇନଥାଏ। ହାଡର ଶକ୍ତି ନଷ୍ଟ ହୋଇଯାଏ । ଶେଷରେ ହାଡ ଭାଙ୍ଗିବାର ମଧ୍ୟ ଆଶଙ୍କା ରହିଥାଏ । ଅଁଳା ରସ ପିଇବା ଦ୍ୱାରା ଆପଣଙ୍କ ତ୍ୱଚା ଚମକିବ । ବୟସ ବଢିବା ସହିତ ମୁହଁରେ ଉଜ୍ୱଳତା ଦେଖାଯିବ । ଅଁଳାରେ ଭିଟାମିନ ସି ରହିଛି । ଯାହାକି କୋଲେଜନର ଉତ୍ପାଦନକୁ ବଢାଇଥାଏ ।
ଅଁଳା ରସ ହୃଦରୋଗରୁ ରୋକିବାରେ ସାହାର୍ଯ୍ୟ କରେ । କେତୋଟି ଅଧ୍ୟୟନରୁ ବିଶ୍ୱାସ କରାଯାଏ ଯେ ଏହାର ବ୍ୟବହାର ଅଥେରୋଜେନିକ ଇଣ୍ଡେକ୍ସକୁ ହ୍ରାସ କରିଥାଏ । କୋଲେଷ୍ଟ୍ରୋଲ ଜମା ହୋଇନଥିବାରୁ ସ୍ନାୟୁଗୁଡିକ ସୁସ୍ଥ ରହିଥାଏ । ଏବଂ ସ୍ୱାସ୍ଥ୍ୟ ମଧ୍ୟ ଠିକ ରହିଥାଏ ।
ଅଁଳା ରସରେ ଥିବା ଭିଟାମିନ ସି ଆଣ୍ଟି ଅକ୍ସିଡାଣ୍ଟ ଭାବରେ କାମ କରେ । ଏହା ରେଡିକାଲରୁ ବଞ୍ଚାଇଥାଏ । ଆଣ୍ଟି ଇନଫ୍ଲାମେଟୋରୀ ଏବଂ ଆଣ୍ଟି ମାଇକ୍ରୋବାୟଲକୁ ବୃଦ୍ଧି କରିଥାଏ ।
ଅଁଳା ରସ ପିଅନ୍ତୁ , ସୁସ୍ଥ ରୁହନ୍ତୁ
