ଭୁବନେଶ୍ୱର :ଆୟରନ ର ମାତ୍ରା ବଢାଇବା ପାଇଁ ନିଜ ଖାଇବା ଖାଦ୍ୟ ରେ ସବୁଜ ପନିପରିବାକୁ ଯୋଗ କରନ୍ତୁ । କାରଣ ଏଥିରେ ଆୟରନ ଛଡା ଫାଇବର ମଧ୍ୟ ରହିଥାଏ । ଆଜିକାଲି କମ ବୟସରେ ଶରୀରରେ ଦୁର୍ବଳତା ଅନୁଭବ କରିବା ସହିତ ହାଡ ମଧ୍ୟ ଦୁର୍ବଳ ହୋଇଯାଏ । କେଉଁ ସୟରେ ଏହି ସମସ୍ୟା ଏତେ ଅଧିକ ବଢିଯାଏ ଯେ ଲୋକମାନେ ଅସ୍ତ ବ୍ୟସ୍ତ ହୋଇଯଆନ୍ତି । କଣ ଅ।ପଣ କେବେ ଭାବିଛନ୍ତି ଏହା କାହିଁକି ହୁଏ ?
ଏହା ସାଧାରଣତଃ ଶରୀରର ପୋଷକତତ୍ତ୍ୱ କମ କାରଣରୁ ଏହା ହୋଇଥାଏ । ଏଥିପାଇଁ ଆପଣଙ୍କୁ ହେଲଦୀ ଡାଏଟ ସହିତ ଏକ୍ଟିଭ ଲାଇଫଷ୍ଟାଇଲର ଖାଦ୍ୟ ଆବଶ୍ୟକ ହୋଇଥାଏ । ସୁସ୍ଥ ରହିବାପାଇଁ ଦୈନିକ ବ୍ୟାୟାମ, ଚାପ ଏବଂ ଉଦାସୀନତା ଠାରୁ ଦୂରରେ ରହିବା ଏବଂ ଶରୀରକୁ ହାଇଡ୍ରେଟ ରଖିବା ଦ୍ୱାରା ଆପଣ ନିଜ ଶରୀରରେ ଦୁର୍ବଳତାକୁ ଏଡାଇ ପାରିବେ । ଏହା ବ୍ୟତୀତ ଏଠାରେ ଆମେ ଆପଣଙ୍କୁ ଏପରି ତିନୋଟି ଜିନିଷ କହିବୁ ଯାହା ଶରୀରକୁ ସୁସ୍ଥ ରଖିବା ଏବଂ ଶକ୍ତି ଦେବାରେ ବହୁତ ସାହାର୍ଯ୍ୟ କରିଥାଏ ।
ଭିଟାମିନ ସି ଯୁକ୍ତ ଖାଦ୍ୟ ରୋଗ ପ୍ରତିରୋଧ ଶକ୍ତିକୁ ବଢାଇଥାଏ :
ଶରୀରକୁ ସୁସ୍ଥ ରଖିବାକୁ ହେଲେ ଭଲ ଖାଦ୍ୟ ଖାଇବାକୁ ପଡିବ । ରୋଗରୁ ଦୂରେଇ ରହିବା ପାଇଁ ଏକ ଶକ୍ତିଶାଳୀ ଖାଦ୍ୟ ପ୍ରଣାଳୀ ଆବଶ୍ୟକ । ଭିଟାମିନ ସିରେ ଭରପୁର ମାତ୍ରାରେ ସାଇଟ୍ରିକ ଏସିଡ ରହିଥାଏ । ରୋଗ ପ୍ରତିରୋଧ ଶକ୍ତିକୁ ବଢାଇବା ପାଇଁ ଅଧିକ ସାଇଟ୍ରସ ଫଳ ଖାଇବା ଉଚିତ । ଭିଟାମିନ ସି ହେଉଛି ଆଣ୍ଟିଅକ୍ସିଡାଣ୍ଟ ଯାହା କୋଷଗୁଡିକୁ ମୁକ୍ତ ମେଡିକାଲରୁ ରକ୍ଷା କରିଥାଏ । ରେଡିକାଲ ଶରୀରରେ ଅନେକ ସମସ୍ୟା ସୃଷ୍ଟି କରିଥାଏ । ଏଭଳି ପରିସ୍ଥିତିରେ ଭିଟାମିନ ସି ଯୁକ୍ତ ଫଳ ଖାଇବା ଦ୍ୱାରା ଶରୀରରେ ରୋଗ ପ୍ରତିରୋଧ ଶକ୍ତିକୁ ବଢାଇଥାଏ । ଏବଂ ଶରୀରରୁ ବିଷାକ୍ତ ପଦାର୍ଥ ବାହାର କରିଥାଏ । ଦିନ ସାରା ଥକ୍କାପଣକୁ ଦୂର କରିବା ପାଇଁ ହେଲେ ଆପଣଙ୍କୁ ପ୍ରତିଦିନ ଏକ ଗ୍ଲାସ କମଳା ରସ ପିଇବା ଉଚିତ ।
ସବୁଜ ପନିପରିବା :
ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ହେଲେ ସବୁଜ ପନିପରିବା ଖାଇବା ନିତାନ୍ତ ଆବଶ୍ୟକ । ସେଗୁଡିକରେ ଅଧିକ ପରିମାଣରେ ଭିଟାମିନ ସି ଏବଂ କେ ରହିବା ସହିତ ବିଟା କାରୋଟିନ ଫାଲେଟ ଏବଂ ଫାଇବର ଥାଏ । ତେଣୁ ଆପଣ ଏହି ସବୁଜ ପନିପରିବାକୁ ଗ୍ରାଇଣ୍ଡିଂ କରି କିମ୍ବା ସାଲାଡ ଆକାରରେ ମଧ୍ୟ ଖାଇପାରିବେ ।
ପ୍ରୋଟିନ ଜାତୀୟ ଖାଦ୍ୟ :
ସେହିପରି ଦୁର୍ବଳତା ଅନୁଭବ ନ କରିବା ପାଇଁ ପ୍ରୋଟିନ ଯୁକ୍ତ ଖାଦ୍ୟ ଖାଇପାରିବେ । ଯେପରିକି ଅଣ୍ଡା, ଅଣ୍ଡାରେ ପ୍ରଚୁର ପରିମାଣରେ ପ୍ରୋଟିନ ଥାଏ ଯାହା ଶରୀର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ବ୍ୟତୀତ ଏଥିରେ ଅନେକ ପୋଷକ ତତ୍ତ୍ୱ ରହିଥାଏ । ପ୍ରୋଟିନ ଯୁକ୍ତ ମାସଂପେଶୀ ଏବଂ ଶରୀରର ଟିସୁ ବିକାଶ କରିବାରେ ସାହାର୍ଯ୍ୟ କରେ। ଅଣ୍ଡା ଶରୀରକୁ ସଙ୍ଗେ ସଙ୍ଗେ ଶକ୍ତି ଯୋଗାଇଥାଏ । ଅଣ୍ଡାରେ ଆମିନୋ ଏସିଡ ରହିଥାଏ । ସେଥିପାଇଁ ଥକ୍କାପଣ ଅନୁଭବ କରିଲେ ଅଣ୍ଡା ଖାଇବା ପାଇଁ ପରାମର୍ଶ ଦେଇଥାନ୍ତି । ଯଦି ଆପଣ ଶାକାହାରୀ ତେବେ ସୋୟାବିନ ଖାଇ ଶରୀରର ରୋଗ ପ୍ରତିରୋଧକ ଶକ୍ତି ବଢାଇପାରିବେ ଏବଂ ଭରପୁର ମାତ୍ରାରେ ଶରୀରକୁ ପୋଷକ ଯୋଗାଇବା ଆବଶ୍ୟକ ।
