ନୂଆଦିଲ୍ଲୀ : ଆମେରିକାରେ ଏହି ଝଡ଼ର ଗତି ଫ୍ଲୋରିଡା ଉପକୂଳରେ ପହଞ୍ଚିବା ବେଳକୁ ଘଣ୍ଟା ପ୍ରତି ୨୨୫ କିଲୋମିଟରରେ ପହଞ୍ଚିଥିଲା । ଆଜିକାଲି ଦୁନିଆରେ ପ୍ରାକୃତିକ ବିପର୍ଯ୍ୟୟ ଜାରି ରହିଛି । ଭାରତର କେତେକ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି ଏବଂ ସାଇକ୍ଲୋନିକ୍ ଝଡ ଆମେରିକା ଏବଂ ମେକ୍ସିକୋରେ ବ୍ୟାପକ କ୍ଷୟକ୍ଷତି କରିଛି । କଲୋରାଡୋ ଷ୍ଟେଟ ୟୁନିଭରସିଟିର ଝଡ଼ ଗବେଷକ ଫିଲ୍ କ୍ଲୋଟଜବାକ୍ ଅନୁଯାୟୀ, ହେଲେନ କେନ୍ଦ୍ରୀୟ ଆମେରିକୀୟ ଗାଇରରୁ ସୃଷ୍ଟି ହୋଇଛି, ପଶ୍ଚିମ କାରିବିଆନ୍ ସାଗର ଉପରେ ନିମ୍ନ ଚାପର ଏକ ବ୍ୟାପକ କ୍ଷେତ୍ର ରହିଛି, ଯାହାକି ପ୍ରତିବର୍ଷ ଏହି ସମୟରେ ଝଡ଼ ସୃଷ୍ଟି କରିଥାଏ । ଏଥରର ଏହି ଝଡ଼ ୨୦୧୭ ରେ ହୋଇଥିବା ମାରିଆ ଝଡ଼ ପରଠାରୁ ଆମେରିକାକୁ ପ୍ରଭାବିତ କରିବାଥିବା ସବୁଠାରୁ ଘାତକ ଝଡ଼ରେ ପରିଣତ ହୋଇଛି । ୨୦୦୫ ରେ ଝଡ଼ କ୍ୟାଟ୍ରିନା ପରଠାରୁ ଆମେରିକାକୁ ଏହି ବାତ୍ୟା ଅଧିକ ଦହଗଞ୍ଜ କରିଛି । ସାଇକ୍ଳୋନ୍ ଶବ୍ଦ ଗ୍ରୀକ୍ ଶବ୍ଦ ‘ସାଇକ୍ଳୋସ୍’ରୁ ଆସିଅଛି, ଯାହାର ଅର୍ଥ ହେଉଛି ସାପର କୁଣ୍ଡଳି ।
ପାଣିପାଗ ବିଜ୍ଞାନୀ ହେନେରୀ ପ୍ୟାଡିଙ୍ଗଟନ୍ଙ୍କ ପାଇଁ ବଙ୍ଗୋପସାଗରରେ ଏବଂ ଆରବ ସାଗରରେ ଆସୁଥିବା ଉଷ୍କକଣ୍ଟକୀୟ ଝଡ଼ ସମୁଦ୍ରରେ ଗୁଡ଼ାଇ ହୋଇ ଶୋଇ?ଥିବା ସାପ ପରି ଦେଖାଯାଉଥିଲା । ଏପରି ପରିସ୍ଥିତିରେ ସେ ଏହି ଝଡଗୁଡିକର ନାଁ ସାଇକ୍ଲୋନନ୍ ବୋଲି କହିଥିଲେ । ଘୂର୍ଣ୍ଣିବଳୟ ହେଉଛି ତୀବ୍ର ଗୁରୁଚାପର କ୍ଷେତ୍ର ଅଟେ, ଯାହାର କେନ୍ଦ୍ରରୁ ଚାପ ମଝିରୁ ବାହାରକୁ ବାହାରେ । କେନ୍ଦ୍ରରେ ଚାପର ପରିମାଣ ଏବଂ ଏହା ବାହ୍ୟ ଆଡକୁ ଗତି କରିବା ବେଳେ ଘୂର୍ଣ୍ଣିବଳୟର ତୀବ୍ରତା ଏବଂ ପବନର ଶକ୍ତି ନିର୍ଣ୍ଣୟ କରେ । ଘୂର୍ଣ୍ଣିବଳୟ ଦିନରେ ୩୦୦ ରୁ ୫୦୦ କିଲୋମିଟର ଦୂରତା ଅତିକ୍ରମ କରି ଉପକୂଳକୁ ଧକ୍କା ଦେଇଥାଏ କିମ୍ବା ଉପକୂଳ ଦେଇ ଗତି କରିଥାଏ । ଏହା ୩ ରୁ ୧୫ ମିଟର ଉଚ୍ଚରେ ଝଡ଼ ଜୁଆର ଆଣିଥାଏ ।
