ସଡକ ଦୁର୍ଘଟଣା : ୧ ମୃତ

ବଲାଙ୍ଗୀର : ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ବୟଲସାଗର ଗ୍ରାମ ନିକଟରେ ଘଟିଛି ସଡକ ଦୁର୍ଘଟଣା । ବାହୁଡ଼ାଯାତ୍ରା ଦେଖି ଫେରୁଥିବା ବେଳେ ସଡ଼କ ଦୁର୍ଘଟଣା ହୋଇଥିବା ସୂଚନା ମିଳିଛି । ବ୍ୟକ୍ତିଙ୍କୁ ଧକ୍କା ଦେଲା ପିକ ଅପ ଗାଡ଼ି ଫଳରେ ତାଙ୍କର ମୃତ୍ୟୁ ହୋଇଛି । ସୂଚନା ଅନୁଯାୟୀ, ମୃତ ବ୍ୟକ୍ତି ଜଣକ ହେଲେ ବୟଳସାଗର ଗ୍ରାମର ବେଣୁ ବରିହା । ଗତକାଲି ବୟଳସାଗର ଗ୍ରାମର ବେଣୁ ବରିହା କିନ୍ଦ୍ରଟାଲ ଗ୍ରାମରୁ ବାହୁଡ଼ାଯାତ୍ରା ଦେଖି ସନ୍ଧ୍ୟା ୭:୩୦ ସମୟରେ ସାଇକେଲରେ ଘରକୁ ଫେରୁଥିଲେ । ଏହି ସମୟରେ ବୟଲସଗାରରୁ ପାଟଣାଗଡ଼ ଅଭିମୁଖେ ଯାଉଥିବା ଗୋଟିଏ ନୀଳ ରଙ୍ଗର ପିକ ଅପ ଗାଡ଼ି ତାଙ୍କୁ ଧକ୍କା ଦେଇଥିଲା । ପରିବାର ଲୋକ ଖବର ପାଇ ଘଟଣାସ୍ଥଳରେ ପହଞ୍ଚି ସଙ୍ଗେ ସଙ୍ଗେ ଖପ୍ରାଖୋଲ ପୋଲିସକୁ ଖବର ଦେଇଥିଲେ । ବେଣୁଙ୍କୁ ଖପ୍ରାଖୋଲ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୁର୍ଘଟଣା ସ୍ଥଳରେ ଉତ୍ତେଜନା ଦେଖାଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତେଜନା ସ୍ଥିତିକୁ ନିୟନ୍ତ୍ରଣ କରିଥିଲା । ଅନ୍ୟପକ୍ଷେ ଦୁର୍ଘଟଣା ଘଟାଇଥିବା ପିକଅପ ଗାଡିର ଡ୍ରାଇଭରକୁ ଗିରଫ କରିଛି ପୁଲିସ । ଗିରଫ ଡ୍ରାଇଭର ଜଣକ ହେଲେ ପାଟଣାଗଡ଼ ଥାନା କର୍ଲାମାଲ ଗ୍ରାମର କେଶବ ପୁଟେଲ । ଡ୍ରାଇଭର ଜଣକ ଅତ୍ୟଧିକ ମଦ ପିଇ ଗାଡି ଚଳାଇ ଦୁର୍ଘଟଣା ଘଟାଇଥିବା ସ୍ଥାନୀୟ ଲୋକେ କହିଛନ୍ତି । ଏନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଥିବା ଥାନାଧିକାରୀ ନରେନ୍ଦ୍ର ଛତ୍ର କହିଛନ୍ତି ।