ଇସ୍ରାଏଲ ଉପରେ ଇରାନର ଆକ୍ରମଣ

ନୂଆଦିଲ୍ଲୀ : ଗତକାଲି ବିଳମ୍ବିତ ରାତିରେ ଇସ୍ରାଏଲ ଉପରେ ଆକ୍ରମଣ କରିଛି ଇରାନ। ଇରାକରେ ଥିବା ଇସ୍ରାଏଲର ଗୁପ୍ତଚର ଏଜେନ୍ସି ମୋସାଦର ମୁଖ୍ୟାଳୟକୁ ଟାର୍ଗେଟ କରି ମିସାଇଲ୍ ଆଟାକ୍ କରିଛି ଇନାର। ଏଥିରେ ଚାରି ଜଣଙ୍କର ମୃତ୍ୟୁ ଘଟିଥିବା ବେଳେ ଛଅ ଜଣ ଆହତ ହୋଇଛନ୍ତି। ଆକ୍ରମଣ ନେଇ ଇରାନର ରିବୋଲ୍ୟୁସନାରୀ ଗାର୍ଡ୍ସ ସୂଚନା ଦେଇଛି। ଆଇଆରଜିସି କହିଛି ଯେ, ସେମାନେ ସୋମବାର ରାତିରେ ଇସ୍ରାଏଲର ଗୁପ୍ତଚର ମୁଖ୍ୟାଳୟକୁ ଟାର୍ଗେଟ କରି ଆକ୍ରମଣ କରିଛନ୍ତି। ଷ୍ଟେଟ ମିଡିଆ ରିପୋର୍ଟ ଅନୁସାରେ, ଇରାନ ଏହି ଆକ୍ରମଣରେ ବାଲିଷ୍ଟିକ୍ ମିସାଇଲ ବ୍ୟବହାର କରିଛି। ଏହି ଅଞ୍ଚଳର ଗୁପ୍ତଚର କେନ୍ଦ୍ର ତଥା ଇରାନ ବିରୋଧୀଙ୍କ ଶକ୍ତି ନଷ୍ଟ କରିବା ପାଇଁ ଏହି ମିସାଇଲ ବ୍ୟବହୃତ ହୋଇଛି। ଇରାକର କୁର୍ଦ୍ଦିସ୍ତାନ ସରକାରଙ୍କ ସୁରକ୍ଷା ପରିଷଦ ଏକ ବିବୃତ୍ତିରେ ଆକ୍ରମଣକୁ ଅପରାଧ ବୋଲି ଦର୍ଶାଇଥନ୍ତି। ଏରବିଲ ଉପରେ ହୋଇଥିବା ଆକ୍ରମଣରେ ଅତି କମରେ ଚାରି ଜଣ ସାଧାରଣ ନାଗରିକ ପ୍ରାଣ ହରାଇଥିବା ବେଳେ ଛଅ ଜଣ ଆହତ ହୋଇଥିବା କୁର୍ଦ୍ଦିସ୍ତାନ ସରକାରୀ ରିପୋର୍ଟରେ ପ୍ରକାଶ କରିଛି।