ଇସିଆଇର ‘ନ୍ୟାସନାଲ ଆଇକନ୍’ ପଦରୁ ପଙ୍କଜ ତ୍ରିପାଠୀଙ୍କ ଇସ୍ତଫା

ନୂଆଦିଲ୍ଲୀ: ଅଭିନେତା ପଙ୍କଜ ତ୍ରିପାଠୀ ଭାରତୀୟ ନିର୍ବାଚନ ଆୟୋଗ (ଇସିଆଇ)ର ‘ନ୍ୟାସନାଲ ଆଇକନ୍’ ପଦରୁ ସ୍ୱେଚ୍ଛାକୃତ ଭାବେ ଇସ୍ତଫା ଦେଇଛନ୍ତି। ନିର୍ବାଚନ ଆୟୋଗ, ସୋସିଆଲ ମିଡିଆ ଏକ୍ସରେ ଏହି ସୂଚନା ଦେଇଛନ୍ତି । ପଙ୍କଜ ତ୍ରିପାଠୀ ତାଙ୍କ ଆଗାମୀ ଫିଲ୍ମ ‘ମେ ଅଟଲ ହୁଁ’ ପାଇଁ ଏହି ପଦରୁ ଓହରିଥିବା କୁହାଯାଇଛି । ସୂଚନା ଥାଉ କି, ୨୦୨୨ରେ ନିର୍ବାଚନ ଆୟୋଗଙ୍କ ପକ୍ଷରୁ ପଙ୍କଜଙ୍କୁ ନ୍ୟାସନାଲ ଆଇକନ ଭାବରେ ନିଯୁକ୍ତ କରାଯାଇଥିଲା । ଏକ୍ସରେ ନିର୍ବାଚନ ଆୟୋଗ ଏହି ସୂଚନା ଦେଇ ଲେଖିଛନ୍ତି ଯେ, ଆଗାମୀ ଫିଲ୍ମରେ ଅଭିନେତା ଏକ ରାଜନୈତିକ ନେତା ଭାବେ ନିଜର ଭୂମିକାକୁ ଗ୍ରହଣ କରି ପଙ୍କଜ ତ୍ରିପାଠୀ ସ୍ବାକ୍ଷାରିତ କରିଥିବା ଏମଓୟୁର ସର୍ତ୍ତାବଳୀ ଆନୁଯାୟୀ ନିଜ ସହମତିରେ ସେ ଏହି ପହରୁ ଇସ୍ତଫା ଦେଇଛନ୍ତି । ନିର୍ବାଚନ ଆୟୋଗ ୨୦୨୨ରେ ମତଦାତାଙ୍କୁ ସଚେତନ କରାଇଥିବା ନେଇ ଅଭିନେତାଙ୍କୁ କୃତଜ୍ଞତା ଜଣାଉଛି । ସେ ଆହୁରି କହିଛନ୍ତି, ଅଭିନେତା ତାଙ୍କ ଆଗାମୀ ‘ମେ ଅଟଲ ହୁଁ’ ଫିଲ୍ମ ପାଇଁ ଏହି ପଦରୁ ଓହରିଛନ୍ତି ।