ଭୁବନେଶ୍ୱର : ରାଜ୍ୟପାଳ ରଘୁବର ଦାସଙ୍କ ୩ଜଣ ଉପଦେଷ୍ଟା ନିଯୁକ୍ତ ହୋଇଛନ୍ତି । ସେମାନଙ୍କ ମଧ୍ୟରୁ ଅବସରପ୍ରାପ୍ତ ଆଇଏଏସ ଅଧିକାରୀ ସନ୍ତୋଷ କୁମାର ଶତପଥୀ ରାଜ୍ୟପାଳଙ୍କ ମୁଖ୍ୟ ଉପଦେଷ୍ଟା ଭାବେ ନିଯୁକ୍ତି ପାଇଛନ୍ତି । ସେହିପରି ପ୍ରଫେସର ଶୁକ୍ଲା ମହାନ୍ତି ଏକାଡେମିକ ଉପଦେଷ୍ଟା ଏବଂ ସୁବ୍ରତ କୁମାର ମହାନ୍ତି ଗଣମାଧ୍ୟମ ଏବଂ ଆଇଟି ଉପଦେଷ୍ଟା ଭାବେ ନିଯୁକ୍ତି ପାଇଛନ୍ତି । ମୁଖ୍ୟ ଉପଦେଷ୍ଠା ଭାବେ ନିଯୁକ୍ତି ପାଇଥିବା ଶ୍ରୀ ଶତପଥୀ ବିଶେଷକରି ଟ୍ରାଇବାଲ ଏବଂ ସାଧାରଣ ପ୍ରସଙ୍ଗ ଦାୟିତ୍ୱ ସମ୍ଭାଳିବେ । ୩ଜଣ ଉପଦେଷ୍ଠାଙ୍କୁ ମାସିକ ବେତନ ଭାବେ ପ୍ରଫେସର ଶୁକ୍ଲା ମହାନ୍ତି ଏବଂ ସୁବ୍ରତ କୁମାର ମହାନ୍ତିଙ୍କୁ ମାସିକ ୫୦ହଜାର ଟଙ୍କା ପ୍ରଦାନ କରାଯିବ । ସେହିପରି ମୁଖ୍ୟ ଉପଦେଷ୍ଟା ଭାବେ ନିଯୁକ୍ତ ପାଇଥିବା ଶ୍ରୀ ଶତପଥୀଙ୍କୁ ମାସିକ ୭୫ହଜାର ଟଙ୍କା ମିଳିବ ।