ଭୁବନେଶ୍ୱର: କ୍ରୀତଦାସ ହୁଅ ନହେଲେ ଜେଲ୍ରେ ରୁହ। ଶୁକ୍ରବାର ଗଞ୍ଜାମ ଜିଲ୍ଲାରେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଓ ବିଜେଡି ସମର୍ଥକଙ୍କ ମଧ୍ୟରେ ହୋଇଥିବା ହାଇଡ୍ରାମାକୁ ନେଇ ଏଭଳି କହିଛନ୍ତି ବରିଷ୍ଠ କଂଗ୍ରେସ ନେତା ବିଜୟ ପଟ୍ଟନାୟକ। ସେ କହିଛନ୍ତି, ଗତକାଲି ଯାହା ହେଲା ତାହା ଦର୍ଶାଉଛି ଶାସକ ଦଳର ଜଣେ ନିର୍ବାଚନ ପ୍ରତିନିଧି ପ୍ରତି ସମ୍ମାନ ନାହିଁ।
ସେ କହିଛନ୍ତି, ଗତକାଲି ଯାହା ଘଟିଲା ତାହା ଶାସକ ଦଳର ଅନ୍ତଃକନ୍ଦଳ ହୋଇପାରେ। କିନ୍ତୁ ଯାହାଙ୍କ ପ୍ରତି ଏଭଳି ଆଚରଣ କରାଗଲା ସେ ଜଣେ ଜନପ୍ରତିନିଧି। ବିଜେଡିର ଜଣେ ଜନପ୍ରତିନିଧିଙ୍କ ପ୍ରତି କୌଣସି ସମ୍ମାନ ନାହିଁ। ଏବେ ଶାସକ ଦଳର ନେତା ଓ ନିର୍ବାଚନ ପ୍ରତିନିଧିଙ୍କୁ ଦୁଇଟି ବିକଳ୍ପ ଦିଆଯାଇଛି। କ୍ରୀତଦାସ ହୁଅ ନହେଲେ ଜେଲ ଯାଅ।
