ଇସଲାମାବାଦ: ପାକିସ୍ତାନର ଖାଇବର ପାଖ୍ତୁନ୍ଖ୍ୱା ପ୍ରଦେଶରେ କେବୁଲ କାର୍ରେ ଫସିଥିବା ୮ ଜଣଙ୍କୁ ବାୟୁସେନା ହେଲିକପ୍ଟର ସାହାଯ୍ୟରେ ବୁଧବାର ସୁରକ୍ଷିତଭାବେ ଉଦ୍ଧାର କରାଯାଇଛି । ଉଦ୍ଧାର ପାଇଥିବା ଲୋକଙ୍କ ମଧ୍ୟରେ ୬ ଜଣ ସ୍କୁଲ ଛାତ୍ର ସାମିଲ ଥିବା ଜଣାପଡିଛି । ଉପତ୍ୟକା ଅଞ୍ଚଳରେ ଅବସ୍ଥିତ ସ୍କୁଲକୁ ଯିବା ପାଇଁ ପାସ୍ତୋ ଗ୍ରାମର ଏହି ଛାତ୍ରମାନେ କେବୁଲ କାର୍ର ସହାୟତା ନେଇଥାନ୍ତି । ତେବେ ମଙ୍ଗଳବାର ତିନିଟି ମଧ୍ୟରୁ ଦୁଇଟି କେବୁଲ କାର୍ ମଧ୍ୟରେ ଧକ୍କା ହେବାରୁ ସେଗୁଡିକ ମଝି ଆକାଶରେ (ଭୂପୃଷ୍ଠରୁ ୧୨୦୦ ଫୁଟ ଉଚ୍ଚ) ଅଟକି ଯାଇଥିଲା ।
ଏପରିକି କେବୁଲ କାର୍ରେ ଫସିଥିବା କେତେକ ଛାତ୍ର ତଳକୁ ଡେଇଁବାକୁ ଚିନ୍ତା କରୁଥିବାବେଳେ ବୟସ୍କ ଲୋକେ ସେମାନଙ୍କୁ ଏଥିରୁ ନିବୃତ ରଖିଥିଲେ । ରାତିସାରା ଅଜଣା ଆଶଙ୍କାରେ ବିତାଇଥିବାବେଳେ ବୁଧବାର ସମସ୍ତଙ୍କୁ ସୁରକ୍ଷିତଭାବେ ଉଦ୍ଧାର କରାଯାଇଛି । ବୁଧବାର ଏହି ଛାତ୍ରମାନେ ସ୍କୁଲକୁ ଯାଇ ସେମାନଙ୍କର ପରୀକ୍ଷାଫଳ ରିପୋର୍ଟକାର୍ଡ ଆଣିଥିବା ଜଣାପଡିଛି । ପାକିସ୍ତାନର କାମଚଳା ପ୍ରଧାନମନ୍ତ୍ରୀ ଅନୱାରୁଲ ହକ୍ କକ୍କର ବାୟୁସନା ପାଇଲଟ୍ଙ୍କୁ ଅଭିନନ୍ଦନ ଜଣାଇଛନ୍ତି ।
