ବ୍ୟୁରୋ : ରିଲିଜ ହୋଇଛି ବହୁ ପ୍ରତିକ୍ଷିତ ଫିଲ୍ମ ‘ଗଦ୍ଦର-୨’ । ସନି ଦେୱଲ ଏବଂ ଅମିଶା ପଟେଲଙ୍କ ଅଭିନୀତ ଏହି ଫିଲ୍ମ ଦେଖିବା ପାଇଁ ସିନେମା ହଲ ଗୁଡ଼ିକରେ ପ୍ରବଳ ଗହଳି ଦେଖିବାକୁ ମିଳିଛି । ୨୦୦୧ ମସିହାରେ ଅନିଲ ଶର୍ମାଙ୍କ ନିର୍ଦ୍ଦେଶିତ ଗଦର ବକ୍ସ ଅଫିସରେ ହଇଚଇ ସୃଷ୍ଟି କରିଥିଲା ।୨୨ ବର୍ଷ ପରେ ଏହାର ଦ୍ୱିତୀୟ ଭାଗ ରିଲିଜ ହୋଇଛି । ଯାହାକୁ ଦେଖିବା ପାଇଁ ଦର୍ଶକ ମଧ୍ୟରେ ଉତ୍ସାହ ରହିଥିଲା । ତାହା ଆଜି ଅନ୍ତ ହୋଇଛି । ମୂଳ ଚଳଚିତ୍ର ଗଦର-ଏକ ପ୍ରେମ କଥାରେ ସନି ଦେୱଲ ତାରା ସିଂ ଏବଂ ଅମିଷା ପଟେଲ ସାକିନା ଭୂମିକାରେ ଅଭିନୟ କରିଥିଲେ । ‘ଗଦ୍ଦର-୨’ରେ ମଧ୍ୟ ଏହି ଯୋଡ଼ି ପୁଣି ଥରେ ନଜର ଆସିଛନ୍ତି ।
ଅନ୍ୟପଟେ ଅଭିନେତା ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ଓଃ ମାଇଁ ଗଡ଼’ ମଧ୍ୟ ଆଜି ପରଦାକୁ ଆସିଛି । ଫିଲ୍ମଟି ଏକ କମେଡ଼ି ଡ୍ରାମା ଫିଲ୍ମ । ଫିଲ୍ମରେ ଅକ୍ଷୟ କୁମାର, ୟାମି ଗୌତମ, ପଙ୍କଜ ତ୍ରିପାଠୀ ପ୍ରମୁଖ ଭୁମିକାରେ ନଜର ଆସିଛନ୍ତି । ବକ୍ସ ଅଫିସରେ ସନ୍ନି ଦେୱଲଙ୍କ ଗଦର-୨ ଓ ଓଃ ମାଇଁ ଗଡ଼ ଭିତରେ କଡ଼ା ହେବ ବୋଲି କୁହାଯାଉଛି ।
