ଝଡ଼ ତୋଫାନରେ ଏୟାର ଇଣ୍ଡିଆ ବିମାନ କ୍ଷତିଗ୍ରସ୍ତ

ନୂଆଦିଲ୍ଲୀ : ଏୟାର ଇଣ୍ଡିଆର ଏକ ବିମାନ ମଙ୍ଗଳବାର ମଝି ଆକାଶରେ ପ୍ରବଳ ଝଡ଼ ତୋଫାନର ସମ୍ମୁଖୀନ ହୋଇଥିବାବେଳେ ଏଥିଯୋଗୁଁ ଉଭୟ ବିମାନ ଓ ଯାତ୍ରୀମାନେ କ୍ଷତିଗ୍ରସ୍ତ ହୋଇଛନ୍ତି । ୨୪୦ ଯାତ୍ରୀଙ୍କୁ ନେଇ ଉକ୍ତ ବିମାନଟି ସିଡ୍‌ନୀ ଅଭିମୁଖେ ଯାତ୍ରାରମ୍ଭ କରିଥିଲା । ତେବେ ମଝି ଆକାଶରେ ପ୍ରବଳ ଝଡ଼ ତୋଫାନ ଯୋଗୁଁ ବିମାନଟି ଖୁବଜୋରରେ ଦୋହଲିବାରେ ଲାଗିଥିଲା । କେତେକ ଯାତ୍ରୀ ସିଟ୍‌ରୁ ଖସିପଡିଥିବାବେଳେ ଆଉ କେତେକ ଯାତ୍ରୀଙ୍କୁ ମୁଣ୍ଡ ସାମନା ସିଟ୍‌ରେ ପିଟିହୋଇଥିଲା । ଅବଶ୍ୟ ବିମାନରେ ଥିବା ଫାଷ୍ଟ ଏଡ୍ ବ୍ୟବସ୍ଥା ଅନୁଯାୟୀ ଆହତ ଯାତ୍ରୀଙ୍କୁ ପ୍ରାଥମିକ ଚିକିତ୍ସା ପ୍ରଦାନ କରାଯାଇଥିଲା । ତେବେ ବିମାନଟି ସୁରକ୍ଷିତ ଅବସ୍ଥାରେ ସିଡ୍‌ନୀରେ ଅବତରଣ କରିଥିବା ଜଣାପଡିଛି ।