କିଗାଲି : ଆଫ୍ରିକୀୟ ରାଷ୍ଟ୍ର ରୁୱାଣ୍ଡାରେ ଆକସ୍ମିକ ବନ୍ୟା ଦେଖାଦେଇଥିବାବେଳେ ୧୧୦ ଜଣଙ୍କର ପ୍ରାଣହାନି ଘଟିଛି । ବିଗତ ଦୁଇଦିନ ଧରି ଦେଶର ଉତ୍ତର-ପଶ୍ଚିମାଞ୍ଚଳରେ ପ୍ରବଳ ବର୍ଷା ଲାଗିରହିଥିବାରୁ ବନ୍ୟା ପରିସ୍ଥିତି ସୃଷ୍ଟି ହୋଇଥିବା କୁହାଯାଇଛି । ବର୍ଷାରେ ସେଠାରେ ବାସ କରୁଥିବା ୯୫ ଜଣ ଭାସିଯାଇ ପ୍ରାଣ ହରାଇଛନ୍ତି ।
ଘର ଓ ବଡ ବଡ ଗଛ ଉପୁଡି ପଡିବାରୁ ଆଉ ୧୫ ଜଣ ପ୍ରାଣ ହରାଇଛନ୍ତି । ବନ୍ୟା ଯୋଗୁଁ ଅତଡା ଖସି ରାସ୍ତାଘାଟ ବ୍ୟାପକ କ୍ଷତିଗ୍ରସ୍ତ ହୋଇଥିବାବେଳେ ବିଦ୍ୟୁତ ସରବରାହ ବିଚ୍ଛିନ୍ନ ହୋଇପଡିଛି ।
