ୱାଶିଂଟନ: ଟେସ୍ଲା ତଥା ଟ୍ୱିଟରର ମାଲିକ ଏଲନ୍ ମସ୍କ୍ ଇତିମଧ୍ୟରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟ୍ୱିଟରରେ ଅନୁସରଣ କରୁଥିବା ଜଣାପଡିଛି । ଅତୀତରେ ବିଶ୍ୱର ଏକ ନମ୍ବର ଧନୀ ବ୍ୟକ୍ତିର ମାନ୍ୟତାଲାଭ କରିଥିବା ମସ୍କ୍ ଟ୍ୱିଟରରେ କେବଳ ୯୫ ଜଣଙ୍କୁ ଅନୁସରଣ କରୁଥିବାବେଳେ ତାଲିକାରେ ମୋଦୀଙ୍କ ନାମ ରହିଛି ।
ସୂଚନାଯୋଗ୍ୟ ଟ୍ୱିଟରରେ ମସ୍କ୍ଙ୍କର ସବୁଠାରୁ ଅଧିକ ୧୩୪.୩ ନିୟୁତ ଅନୁଗାମୀ ରହିଛନ୍ତି । ଚଳିତବର୍ଷ ମାର୍ଚ୍ଚରେ ଆମେରିକାର ପୂର୍ବତନ ରାଷ୍ଟ୍ରପତି ବରାକ୍ ଓବାମାଙ୍କୁ ପଛରେ ପକାଇ ମସ୍କ୍ ଟ୍ୱିଟର ଅନୁଗାମୀ ପ୍ରସଙ୍ଗରେ ଶୀର୍ଷକୁ ଉନ୍ନୀତ ହୋଇଛନ୍ତି । ଅପରପକ୍ଷରେ ଟ୍ୱିଟରରେ ମୋଦୀଙ୍କର ୮୭.୭ ନିୟୁତ ଅନୁଗାମୀ ରହିଛନ୍ତି ।