ଭୁବନେଶ୍ୱର: ଜଣେ ଯୁବତୀଙ୍କୁ ଅସଦାଚଣ ପରେ ହତ୍ୟା ଉଦ୍ୟମ ଅଭିଯୋଗରେ ୨ ଜଣଙ୍କୁ ମଞ୍ଚେଶ୍ୱର ଥାନା ପୁଲିସ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତମାନେ ହେଲେ ଦୀଲିପ ମହାପାତ୍ର ଏବଂ ବିଶ୍ୱ ବିଜୟ ସିଂ । ଅନୁସନ୍ଧାନରୁ ଜଣାପଡିଛି ଯେ, ଘଟଣା ଦିନ ପୀଡିତାଙ୍କ ସ୍ୱାମୀ ଘରେ ଅନୁପସ୍ଥିତ ଥିବା ସମୟରେ ନିମ୍ନୋକ୍ତ ଦୁଇ ଅଭିଯୁକ୍ତ ଏବଂ ତାଙ୍କର ଜଣେ ସହଯୋଗୀ ପୀଡ଼ିତାଙ୍କ ଘରକୁ ଯିବା ସହିତ ତାଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିଲେ ଏବଂ ଅସଦାଚରଣ କରିବା ନିମନ୍ତେ ଉଦ୍ୟମ କରିଥିଲେ । ପୀଡ଼ିତା ଜଣକ ସେମାନଙ୍କୁ ବିରୋଧ କରିବାରୁ ସେମାନେ ତାଙ୍କ ତଣ୍ଟି ଚିପି ଦେଇଥିଲେ ।
ଏହି ସମୟରେ ପୀଡିତାଙ୍କ ସ୍ୱାମୀ ସେଠାରେ ପହଞ୍ଚି ଅଭିଯୁକ୍ତ ମାନଙ୍କ କବଳରୁ ତାଙ୍କୁ ଉଦ୍ଧାର କରିଥିଲେ । ଏଥିରେ ଅଭିଯୁକ୍ତ ମାନେ ଅଡିକ ଉତ୍ତ୍ୟକ୍ତ ହୋଇ ପୀଡିତାଙ୍କ ସ୍ୱାମୀଙ୍କୁ ମାଡ଼ ମାରିବା ସହିତ ତାଙ୍କ ବେକରୁ ଏକ ସୁନା ଚେନ ଛିଣ୍ଡାଇ ନେଇ ପଳାଇ ଯାଇଥିଲେ । ଘଟଣାର ଅଭିଯୋଗ ପରେ ମଞ୍ଚେଶ୍ୱର ଥାନା ପୁଲିସ ତଦନ୍ତ କରିବା ସହିତ ନିମ୍ନୋକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିଥିଲେ । ପଚରାଉଚରା ସମୟରେ ଅଭିଯୁକ୍ତ ଦୁହେଁ ନିଜ ଦୋଷ ସ୍ୱୀକାର କରିଥିଲେ । ଅଧିକ ତଦନ୍ତରୁ ଏହା ମଧ୍ୟ ଜଣା ପଡିଛି ଯେ, ମଞ୍ଚେଶ୍ୱର ଥାନାରେ ଅଭିଯୁକ୍ତ ଦିଲ୍ଲୀପ ମହାପାତ୍ରଙ୍କ ନାମରେ ପୂର୍ବରୁ ମଧ୍ୟ ୨୦୨୦ମସିହାରେ ଏକ ମାମଲା ରହିଛି ।
