ଭୁବନେଶ୍ୱର: ନବକିଶୋର ଦାସଙ୍କ ହତ୍ୟା ମାମଲାକୁ ଏକ ନୂଆ ରୂପ ଦେଇଛନ୍ତି ବିଜେପିର ବରିଷ୍ଠ ନେତା ବିଜୟ ମହାପାତ୍ର । ଏହା ଏକ ସୁପରିକଳ୍ପିତ ଏବଂ ଆରେଞ୍ଜ ମର୍ଡର ବୋଲି ସେ ବୟାନ ଦେଇଛନ୍ତି । ତେବେ ଆଗରୁ ନବଙ୍କୁ ଗୋପାଳ ଅନେକ ଥର ଭେଟିସାରିଛି । କିନ୍ତୁ ସେଦିନ କାହିଁକି ହତ୍ୟା କରିବାର ଏକ ବୁଦ୍ଧି ମୁଣ୍ଡକୁ ଆସିଲା ବୋଲି ସେ ପ୍ରଶ୍ନ କରିଛନ୍ତି । ଏହାପରେ ବି ଗୋପାଳ ପାଖରେ ଅଟକି ରହିଛି ତଦନ୍ତ କାର୍ଯ୍ୟ । ହତ୍ୟା ମାମଲାର ପ୍ରକୃତ ସତ୍ୟାସତ୍ୟ କ’ଣ ସାମନାକୁ ଆଣିବା ପାଇଁ ମଧ୍ୟ ପରାମର୍ଶ ଦେଇଛନ୍ତି ଶ୍ରୀ ମହାପାତ୍ର । ଏହି ହତ୍ୟା ମାମଲାର ଆହୁରି ଅଧିକ ଗୁମର ଫିଟାଇବା ପାଇଁ ହେଲେ ବ୍ୟବସାୟିକ ଶତ୍ରୁ ଏବଂ ନବଙ୍କ ବନ୍ଧୁମାନଙ୍କୁ ମଧ୍ୟ ଜେରା କରିବା ଉଚିତ । କିନ୍ତୁ ପୋଲିସ ଏଥିରୁ ଦୂରେଇ ରହୁଛି । ସେପଟେ ଗୋପାଳ ଅର୍ଥୋପେଡିକ ଚିକିତ୍ସା ହେଉଥିଲା । କିନ୍ତୁ ମାନସିକ ରୋଗୀ ହୋଇଥିବା ନେଇ ସନ୍ଦେହ ଲାଗି ରହିଛି ।
ଜଣେ ଜନ ପ୍ରତିନିଧିଙ୍କୁ ଖୋଲାଖାଲି ଭାବେ ହତ୍ୟା ହୋଇଥିବା ବେଳେ ଘଟଣାର ୧୫ ଦିନ ପର୍ଯ୍ୟନ୍ତ କୌଣସି ମୋଟିଭ ଜଣାପଡିନାହିଁ । ଏ ନେଇ ଅସନ୍ତୋଷ ଜାହିର କରିଛନ୍ତି ବିଜେପି ବରିଷ୍ଠ ନେତା ବିଜୟ ମହାପାତ୍ର । ଗୋପାଳ ଛଡା ହତ୍ୟାର ତଦନ୍ତ ଅନ୍ୟ କେଉଁ ଦିଗକୁ କରାଗଲେ କାରଣ ମିଳିବାର ଆଶା ରଖିଛନ୍ତି ବିଜୟ । ତେବେ ଗୋପାଳ ନିଜେ ହିଁ ନିଜର ତଦନ୍ତ କରୁଥିବା ବେଳେ ସତକଥାର ପର୍ଦ୍ଦାଫାଶ ଚାହୁଁନି ଗୋପାଳ ।
