ଜସ୍ମିନ୍ ଭସିନଙ୍କ ପାଇଁ ସମସ୍ୟା ପାଲଟିଲା ବିଗ୍ ବସ୍, ମିଳିଥିଲା ହତ୍ୟା ଧମକ

ମୁମ୍ବାଇ : ଟିଭି ଅଭିନେତ୍ରୀ ଜସ୍ମିନ୍ ଭସିନଙ୍କର ଭଲ ଫ୍ୟାନ୍ ଫଲୋଇଂ ଅଛନ୍ତି। ଜସ୍ମିନ୍ ତାଙ୍କର ସର୍ବୋତ୍ତମ ଅଭିନୟ ଏବଂ କ୍ୟୁଟ୍ ଅନ୍ଦାଜ ସହିତ ଲକ୍ଷ ଲକ୍ଷ ଲୋକଙ୍କ ହୃଦୟ ଜିତିଛନ୍ତି। ସେ ଅନେକ ଟିଭି ଶୋ’ରେ ନିଜର ଖ୍ୟାତି ବିସ୍ତାର କରିଛନ୍ତି ଏବଂ ସଲମାନ ଖାନଙ୍କ ଦ୍ୱାରା ଆୟୋଜିତ ରିଆଲିଟି ଶୋ’ ବିଗ୍ ବସ୍ ରେ ମଧ୍ୟ ନିଜର ଦମ୍ ଦେଖାଇସାରିଛନ୍ତି। ତେବେ ‘ବିଗ୍ ବସ୍ ୧୪’ରେ ନଜର ଆସିବା ତାଙ୍କ ପାଇଁ ଏକ ବଡ ସମସ୍ୟା ହୋଇଯାଇଥିଲା ଏବଂ ତାଙ୍କୁ ଦୁଷ୍କର୍ମ ଠାରୁ ଆରମ୍ଭ କରି ମୃତ୍ୟୁ ପର‌୍ୟ୍ୟନ୍ତ ଧମକ ମିଳିଥିଲା। ନିକଟରେ ଏକ ଇଣ୍ଟରଭ୍ୟୁରେ ଜସ୍ମିନ୍ ବିଗ୍ ବସ୍ ସହ ଜଡିତ ତାଙ୍କ ଅଭିଜ୍ଞତା ବିଷୟରେ କହିଛନ୍ତି। ସେ କହିଛନ୍ତି, ‘ଟ୍ରୋଲିଂ କଥା ଛାଡ, ଲୋକମାନେ ମୋତେ ଅନେକ କିଛି କହିଛନ୍ତି, ଯେତେବେଳେ ମୁଁ ବିଗ୍ ବସ୍ ଛାଡିଲି। ମୋତେ ଦୁଷ୍କର୍ମ ଠାରୁ ଆରମ୍ଭ କରି ମୃତ୍ୟୁ ଧମକ ପର‌୍ୟ୍ୟନ୍ତ ମିଳିଛି। ତାହା ମଧ୍ୟ କାହିଁକି? କେବଳ ଏହି କାରଣରୁ ମୁଁ ଶୋ କଲି ଏବଂ ଲୋକମାନେ ମୋତେ ଏଥିରେ ପସନ୍ଦ କଲେ ନାହିଁ। ଜସ୍ମିନ୍ ଆହୁରି କହିଛନ୍ତି, ‘ମୁଁ ଯାହା ଦେଖିଲି ତାହା ପ୍ରକୃତରେ ଗମ୍ଭୀର। ଏହା ମାନସିକ ସ୍ତରରେ ମୋ ଉପରେ ପ୍ରଭାବ ପକାଇଲା, କିନ୍ତୁ ଡାକ୍ତରୀ ସାହାଯ୍ୟ, ମୋର ବନ୍ଧୁ ଏବଂ ଯେଉଁମାନେ ମୋତେ ଭଲ ପାଆନ୍ତି, ସେମାନଙ୍କ ପାଇଁ ମୁଁ ଏହାକୁ ଦୂର କରିବାରେ ସକ୍ଷମ ହେଲି। ବର୍ତ୍ତମାନ ମୋତେ ଟ୍ରୋଲ୍ସରେ ଫରକ ପଡେ ନାହିଁ ଏବଂ ବର୍ତ୍ତମାନ ସେ କେବଳ ନିଜ କାମ ସହିତ କାମ ରଖୁଛନ୍ତି ଏବଂ ନିଜ କାର‌୍ୟ୍ୟ ଉପରେ ସମ୍ପୂର୍ଣ୍ଣ ଧ୍ୟାନ ରଖୁଛନ୍ତି।