ବେତନଟୀ : ଆଜି ବେତନଟୀ ଥାନା ଶାସ୍ତ୍ରୀନଗରର କିଶାନ ମାଝୀଙ୍କ ପୁତ୍ର ସୁରେନ୍ଦ୍ର ମାଝୀ (୪୫)ଙ୍କର ଦେହାନ୍ତ ହୋଇ ଯାଇଛି । ତାଙ୍କର ବାନ୍ତି ହେବା ସହିତ ସେ ଅସୁସ୍ଥ ହୋଇ ପଡ଼ିଥିଲେ । ବେତନଟୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିବା ପରେ ଏଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସୁରେନ୍ଦ୍ରଙ୍କ ମା’ ଗୋଲାପୀ ମାଝୀଙ୍କ ମୃତ୍ୟୁ ହୋଇଥିବାବେଳେ ତାଙ୍କର ଆଜି ଏକାଦଶାହ ଥିଲା ।
ସୁରେନ୍ଦ୍ର ବାହାରେ ରହି ଚାକିରି କରୁଥିଲେ । ମା’ଙ୍କ ଏକାଦଶାହକୁ ଆସି ଏଠାରେ ତାଙ୍କର ହଠାତ୍ ମୃତ୍ୟୁ ହେବା ଫଳରେ ପରିବାର ଲୋକେ ସମ୍ପୂର୍ଣ୍ଣ ଭାଙ୍ଗିପଡ଼ିଛନ୍ତି । ଡାକ୍ତରଖାନାରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିଲା । ସୁରେନ୍ଦ୍ରଙ୍କର ଦୁଇ ପୁଅ ଓ ଜଣେ କନ୍ୟା ସନ୍ତାନ ଥିବା ଜଣାପଡ଼ିଛି ।
