ବାଲୁଗାଁ : ବାଲୁଗାଁ ଅଞ୍ଚଳରେ ପ୍ରେମୀ ଯୁଗଳ ଆତ୍ମହତ୍ୟା ଖବର ଶୋକାକୁଳ ପରିବେଶ ସୃଷ୍ଟି କରିଛି । ଉଭୟ ବିଷପାନ କରି ମୁର୍ମୂଷୁ ଅବସ୍ଥାରେ ଗ୍ରାମ ନିକଟରେ ପଡ଼ିଥିବା ବେଳେ ଲୋକେ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ମାତ୍ର ଚିକିତ୍ସାଧୀନ ଅବସ୍ଥାରେ ଉଭୟଙ୍କ ମୃତ୍ୟୁ ଘଟିଛି । ଉଭୟଙ୍କ ମଧ୍ୟରେ ଦୀର୍ଘ ଦିନ ହେବ ପ୍ରେମ ସମ୍ପର୍କ ଥିବା ବେଳେ ବିଷପାନର କାରଣ ଜଣାପଡ଼ିନାହିଁ । ସୂଚନା ଅନୁଯାୟୀ, ବାଲୁଗାଁ ଥାନା ଅଧୀନସ୍ଥ ଇଞ୍ଜନପୁର ଗ୍ରାମର ସୁରେଶ ବାରିକଙ୍କ ଝିଅ ନୈନା ବାରିକ, ବାଣପୁର ଥାନା ଅଧୀନସ୍ଥ ବିଷ୍ଣୁଡ଼ିହ ଗ୍ରାମର ଗଣେଶ ମାଝିଙ୍କ ପୁଅ ବିଘ୍ନେଶ ମାଝିଙ୍କ ମଧ୍ୟରେ ଦୀର୍ଘ ଦିନ ହେବ ପ୍ରେମ ସମ୍ପର୍କ ଗଢ଼ି ଉଠିଥିଲା ।
ମଙ୍ଗଳବାର ସନ୍ଧ୍ୟାରେ ବାଲୁଗାଁ ନିକଟ ବିଷ୍ଣୁଡ଼ିହ ଗ୍ରାମସ୍ଥିତ ଏକ ପାଣିଟାଙ୍କୀ ନିକଟରେ ଉଭୟ ବିଷପାନ କରି ମୁର୍ମୂଷୁ ଅବସ୍ଥାରେ ପଡ଼ିଥିବା ଲୋକେ ଦେଖିଥିଲେ । ଗ୍ରାମର କିଛି ଲୋକଙ୍କୁ ଉଭୟଙ୍କୁ ବାଲୁଗାଁ ଡାକ୍ତରଖାନାରେ ଭର୍ତ୍ତି କରିଥିଲେ । ଖବର ପାଇ ଦୁହିଁଙ୍କ ପରିବାର ଲୋକ ଡାକ୍ତରଖାନାରେ ପହଞ୍ôଚଥିଲେ । ଉଭୟଙ୍କ ଅବସ୍ଥା ସଙ୍କଟାପଣ୍ଣ ହେବାରୁ ଆମ୍ବୁଲାନ୍ସ ଯୋଗେ ଜଣକୁ ଭୁବନେଶ୍ୱର ଏବଂ ଅନ୍ୟଜଣଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଥିଲା । ମାତ୍ର ଚିକିତ୍ସାଧୀନ ଅବସ୍ଥାରେ ପ୍ରେମୀଯୁଗଳଙ୍କ ମୃତ୍ୟୁ ଘଟିଥିବା ଜଣାଯାଇଛି । ଶବ ବ୍ୟବଚ୍ଛେଦ ପରେ ବୁଧବାର ପ୍ରେମୀଯୁଗଳଙ୍କ ମୃତ ଶରୀରକୁ ସେମାନଙ୍କ ପରିବାରକୁ ହସ୍ତାନ୍ତର କରାଯାଇଛି । ଶୋକାକୁଳ ପରିବେଶରେ ଉଭୟଙ୍କ ଶବ ସତ୍କାର କରାଯାଇଛି ।
