ସାଲେପୁର: ମୋବାଇଲ୍ରୁ ମେସେଜ୍କୁ ନେଇ ସ୍ୱାମୀକୁ ମାଡ଼ମାରିବା ସହ ସପରିବାକୁ ବିଦ୍ୟୁତ୍ ଖୁଣ୍ଟ ଓ ଗଛରେ ବାନ୍ଧିବା ଘଟଣାରେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରୁନି । ପରିବାର ପକ୍ଷରୁ ଅଭିଯୋଗ ଦେବାର ୨ ଦିନ ବିତିଯାଇଥିଲେ ମଧ୍ୟ ମାମଲା ରୁଜୁ ହୋଇନାହିଁ । ଫଳରେ ଆକ୍ରମଣକାରୀଙ୍କ ଭୟରେ ପରିବାର କାଳତିପାତ କରୁଥିବା ଗଣମାଧ୍ୟମ ପ୍ରତିନିଧିଙ୍କ ସମ୍ମୁଖରେ କ୍ଷୋଭର ସହ ପ୍ରକାଶ କରିଥିଲେ ଅଭିଯୋଗକାରିଣୀ । ଘଟଣାର ପୁଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ ।
ପ୍ରକାଶ ଯେ ସାଲେପୁର ଥାନା ଅନ୍ତର୍ଗତ ରାଇସୁଙ୍ଗୁଡ଼ା ଗ୍ରାମର ରବି ମହାନ୍ତିଙ୍କ ମୋବାଇଲ୍ରୁ ଏକ ମେସେଜ୍ ଉକ୍ତ ଗ୍ରାମର ଜନୈକ ମହିଳାଙ୍କ ମୋବାଇଲ୍କୁ ଯାଇଥିଲା । ଏହି ଘଟଣାକୁ କେନ୍ଦ୍ର ରବିନ୍ଦ୍ରଙ୍କୁ ଗ୍ରାମର ବବୁଲ ମହାନ୍ତି, ବାବାଜୀ ମହାନ୍ତି, ସାବି ମହାନ୍ତି ଘରୁ ଡାକିନେଇ ନିସ୍ତୁକ ମାଡ଼ ମାରିଥିଲେ । ମାଡ଼ରେ ରବିନ୍ଦ୍ର ଚେତାଶୂନ୍ୟ ହୋଇଯାଇଥିଲା । ଚେତା ଫେରିବାପରେ ବାଇକ୍ ଯୋଗେ କେଉଁଆଡେ ନେଉଥିବା ବେଳେ କୌଶଳ କ୍ରମେ ଜୀବନ ବିକଳରେ ଖସି ପଳାଇଯାଇଥିଲା । ରବିନ୍ଦ୍ରକୁ ନପାଇ ସମ୍ପୃକ୍ତ ଆକ୍ରମଣକାରୀ ତାଙ୍କର ନାବାଳକ ପୁଅ, ବୁଢି ମା’ଏବଂ ପତ୍ନୀ ଚିନ୍ମୟୀଙ୍କୁ ଗାଁ ମୁଣ୍ଡରେ ଥିବା ଏକ ବିଦ୍ୟୁତ୍ ଖୁଣ୍ଟରେ ପରେ ନିକଟସ୍ଥ ଏକ ଲିମ୍ବଗଛରେ ସକାଳୁ ସନ୍ଧ୍ୟା ପର୍ଯ୍ୟନ୍ତ ବାନ୍ଧି ରଖିଥିଲେ । ରବିନ୍ଦ୍ର ନଆସିବା ପର୍ଯ୍ୟନ୍ତ ବନ୍ଧା ହେବ ବୋଲି କହିଥିଲେ ।
ପରେ ତାକୁ ୩ ଦିନ ମଧ୍ୟରେ ଗାଁକୁ ଆଣ, ନଚେତ୍ ପରିବାରକୁ ଜୀବନରୁ ମାରିଦେବାକୁ ଧମକ ଦେବା ସହ ୩ ଜଣ ପିଲାଙ୍କୁ ଅଟକ ରଖିବା ସହ ଘର ମଧ୍ୟରେ ଥିବା ଆସବାବପତ୍ର ଭଙ୍ଗାରୁଜା କରିଥିଲେ । ଏ ନେଇ ଚିନ୍ମୟୀ ୨୪ ତାରିଖ ଦିନ ସାଲେପୁର ଥାନାରେ ଲିଖିତ ଅଭିଯୋଗ କରିଥିଲେ । ମାତ୍ର ପୁଲିସ ଘଟଣାକୁ ଗୁରୁତ୍ୱ ନଦେଇ କୌଣସି ମାମଲା ରୁଜୁ କରିନାହିଁ । ଫଳରେ ଅଭିଯୁକ୍ତ ଜୀବନରୁ ମାରିଦେବା ଉଦ୍ଦେଶ୍ୟରେ ଖୋଜୁଥିବା ଚିନ୍ମୟୀ ଗଣମାଧ୍ୟମ ପ୍ରତିନିଧିଙ୍କ ନିକଟରେ ପ୍ରକାଶ କରିଛନ୍ତି । ଅଜି ପୁନର୍ବାର ସାଲେପୁର ଥାନାକୁ ଅଭିଯୋଗ କରିବାକୁ ଯାଇଥିବାବେଳେ ସେଠାରେ ରବିନ୍ଦ୍ର ହଠାତ୍ ଚେତାଶୂନ୍ୟ ହୋଇପଡ଼ିଥିଲେ । ସାଲେପୁର ଦମକଳ ବାହିନୀ ରବିନ୍ଦ୍ରକୁ ଉଦ୍ଧାର କରି ସାଲେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ପୁଲିସ ଉଚ୍ଚ ପଦାଧିକାରୀ ଏ ଦିଗରେ ଦୃଷ୍ଟି ଦେଇ ଘଟଣାର ନିରପେକ୍ଷ ତଦନ୍ତ କରି ଘଟଣାରେ ଆଇନ୍ ଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିବେଦନ କରିଛନ୍ତି ।
