ଲକ୍ଷ୍ନୌ: ଉତ୍ତରପ୍ରଦେଶର ମହାରାଜଗଞ୍ଜ ଜିଲ୍ଲାରେ ବିଜେପି ନେତା ଏବଂ ଆଡଭୋକେଟ୍ ଗୌରବ ଜୟସ୍ୱାଲ୍ଙ୍କୁ ଗୁଳି କରି ହତ୍ୟା କରାଯାଇଛି । ବାରଦାତରେ ସୋମବାର ବିଳମ୍ବିତ ରାତିରେ ସହରର ଚିରଉହା ବାର୍ଡ ନିକଟରେ ଥିବା ଏକ ମଦ ଦୋକାନ ସମ୍ମୁଖରେ ଏହି ହତ୍ୟାକାଣ୍ଡ ଘଟିଛି । ମୃତକ ଗୌରବ ନଗରପାଳିକା ଅଧ୍ୟକ୍ଷ କୃଷ୍ଣଗୋପାଳ ଜୟସ୍ୱାଲ୍ଙ୍କ ଭଣଜା ଥିଲେ ବୋଲି ସୂଚନା ମିଳିଛି । ଅଭିଯୁକ୍ତ ଜଣକ ଗୌରବଙ୍କୁ ଗୁଳି ମାରିବା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ତାଙ୍କୁ ପ୍ରଥମେ ଫୋନ କରି ମଦ ଦୋକାନ ସମ୍ମୁଖକୁ ଡକାଯାଇଥିଲା ଏବଂ ସେଠାରେ ଗୁଳିମାଡ଼ କରାଯାଇଥିଲା । ପୁଲିସ ମୃତଦେହ ଜବତ କରି ବ୍ୟବଚ୍ଛଦ କରାଇବା ସହ ତଦନ୍ତ ଜାରି ରଖିଛି ।
ଏହି ଖବର ପ୍ରସାରିତ ହେବା ପରେ ବିଜେପି କାର୍ଯ୍ୟକର୍ତ୍ତା ଅଭିଯୁକ୍ତକୁ ଗିରଫ କରିବାକୁ ଦାବି କରିଛନ୍ତି । ଏସପି ପ୍ରଦୀପ ଗୁପ୍ତା ଘଟଣାସ୍ଥଳରେ ପହଞ୍ଚି ସ୍ଥିତି ନୀରିକ୍ଷଣ କରିଥିଲେ । ଘଟଣାର କାରଣ ଏବେ ଯାଏ ସ୍ପଷ୍ଟ ହୋଇପାରିନାହିଁ । ସୂଚନାଯୋଗ୍ୟ ଯେ, ଗୌରବ ବିଜପିର ସ୍ବଚ୍ଛତା ଅଭିଯାନର ସହ ସଂଯୋଜକ ଥିଲେ । ପୁଲିସ ଅଧୀକ୍ଷକ ପ୍ରଦୀପ ଗୁପ୍ତା କହିଛନ୍ତି କି ଏହି ମାମଲାରେ ଦୋକାନ ନିକଟରେ ଥିବା ସିସିଟିଭି ଫୁଟେଜକୁ ଯାଞ୍ଚ ଚାଲିଛି । ଖୁବଶୀଘ୍ର ଅଭିଯୁକ୍ତକୁ ଚିହ୍ନଟ କରି ଗିରଫ କରାଯିବ ।
ୟୁପିରେ ବିଜେପି ନେତାଙ୍କୁ ଗୁଳି କରି ହତ୍ୟା
