ନୟାଗଡ଼ : ଧାର ଟଙ୍କା ମାଗିବାରୁ ଟାଇମ ବମ ପକାଇ ହତ୍ୟା ଷଡ଼ଯନ୍ତ୍ର ରଚୁଥିବା ବେଳେ ପୁଲିସ ଜଣଙ୍କୁ ଗିରଫ କରିଛି । ଅଭିଯୁକ୍ତ ନିକଟରୁ ପୁଲିସ ଟାଇମ୍ ବମ୍, ବନ୍ଧୁକ, ଛୁରି ଆଦି ବିଭିନ୍ନ ମାରଣାସ୍ତ୍ର ଜବତ କରିଥିବା ଜଣାପଡ଼ିଛି । ଅଭିଯୁକ୍ତ ରଣପୁର ଥାନା ଖଳିପାଟଣା ଗାଁର ଗଣେଶ ସାହୁ । ଆଜି ତାଙ୍କୁ କୋର୍ଟଚାଲାଣ କରାଯାଇଥିବା ଇଟାମାଟି ଥାନା ପୁଲିସ ପକ୍ଷରୁ ସୂଚନା ।
ଖବର ଅନୁସାରେ, ନୟାଗଡ଼ ଇଟାମାଟି ଥାନା ବଉଳିସାହି ଗାଁକୁ ଆଜି ଅପରାହ୍ଣରେ ଗଣେଶ ଗାଁର ପାଣୁଚରଣ ସାହୁଙ୍କୁ ବାକି ଟଙ୍କା ଦେବାକୁ ଡାକିଥିଲା । ତେବେ ସେଠାରେ ପାଣୁଚରଣ ପହଞ୍ôଚବା ପରେ ଅଭିଯୁକ୍ତ ତାଙ୍କୁ ବନ୍ଧୁକ ଓ ଟାଇମ ବମ ଦେଖାଇ ୫ ଲକ୍ଷ ଟଙ୍କା ଦେବାକୁ କହିଥିଲା । ତେବେ ପାଖରେ ଥିବା ଲୋକମାନେ ଏହା ଦେଖି ଯୁବକକୁ କାବୁ କରି ନିସ୍ତୁକ ମାଡ଼ ମାରିବା ସହ ପୁଲିସକୁ ଖବର ଦେଇଥିଲେ । ସ୍ଥାନୀୟ ଲୋକଙ୍କ ଠାରୁ ଖବର ପାଇ ଇଟାମାଟି ପୁଲିସ ଘଟଣା ସ୍ଥଳରେ ପହଞ୍ôଚ ଯୁବକକୁ କାବୁ କରିଥିଲା । ଘଟଣା ସ୍ଥଳରୁ ଗୋଟିଏ ବନ୍ଧୁକ, ଗୋଟିଏ ଟାଇମ ବମ, ୨ଟି ଛୁରି, ୨୦ ହଜାର ଟଙ୍କାର ଜାଲ୍ ନୋଟ୍ ଓ ଏକ ବାଇକ ଜବତ ହୋଇଛି । ଅଭିଯୋଗ ପରେ ଏକ ମାମଲା ରୁଜୁ ହୋଇଥିବା ଥାନା ଅଧିକାରୀ ରମେଶ ଦେବତାଙ୍କ ଠାରୁ ସୂଚନା ମିଳିଛି ।
ଧାର ଟଙ୍କା ମାଗିବାରୁ ହତ୍ୟା ଷଡ଼ଯନ୍ତ୍ର: ଟାଇମ୍ ବମ୍ ଜବତ, ଜଣେ ଗିରଫ
