ଆଉ ନାହାନ୍ତି କିମ୍ବଦନ୍ତୀ ସ୍ପିନର ସେନ ୱାର୍ଣ୍ଣ

ମେଲବର୍ଣ୍ଣ: ଅଷ୍ଟ୍ରେଲିଆର କିମ୍ବଦନ୍ତୀ କ୍ରିକେଟର୍ ସେନ ୱାର୍ଣ୍ଣଙ୍କ ପରଲୋକ ହୋଇଛି । ଥାଇଲାଣ୍ଡରେ ହୃଦଘାତରେ ତାଙ୍କର ପରଲୋକ ହୋଇଥିବା ଜଣାପଡ଼ିଛି । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ହୋଇଥିଲା । ୱାର୍ଣ୍ଣ ୧୯୯୨ରୁ ନିଜର ଆନ୍ତର୍ଜାତୀୟ କ୍ରିକେଟ କ୍ୟାରିୟର ଆରମ୍ଭ କରିଥିବା ବେଳେ ୨୦୦୭ରେ ଅବସର ନେଇଥିଲେ । ଭାରତ ବିପକ୍ଷରେ ପ୍ରଥମ ଟେଷ୍ଟ ମ୍ୟାଚ ଖେଳିଥିବା ୱାର୍ଣ୍ଣ ନିଜର ଯାଦୁକରୀ ଲେଗ୍ ସ୍ପିନ ଜରିଆରେ ୭୦୮ଟି ଟେଷ୍ଟ ୱିକେଟ ଅକ୍ତିଆର କରିଛନ୍ତି । ୧୪୫ଟି ଟେଷ୍ଟ ଖେଳିଥିବା ୱାର୍ଣ୍ଣ ୩୧୫୪ ରନ କରିବା ସହିତ ୭୦୮ ୱିକେଟ ନେଇଛନ୍ତି । ଏହା ମଧ୍ୟରେ ୩୭ ଥର ୫ ୱିକେଟ ସଫଳତା ଏବଂ ୧୦ ଥର ୧୦ ୱିକେଟ ସଫଳତା ସାମିଲ ଅଛି । ୧୯୪ଟି ଦିନିକିଆ ମ୍ୟାଚ ଖେଳିଥିବା ୱାର୍ଣ୍ଣ୧୦୧୮ ରନ କରିବା ସହିତ ୨୯୩ଟି ୱିକେଟ ନେଇଛନ୍ତି । ତେବେ ଦିନିକିଆରେ ମାତ୍ର ଥରେ ୫ ୱିକେଟ ସଫଳତା ହାସଲ କରିଛନ୍ତି । ଆଇପିଏଲର ପଦାର୍ପଣ ସିଜିନରେ ରାଜସ୍ଥାନ ରୟାଲ୍ସ ଦଳର ଅଧିନାୟକ ରହିବା ସହିତ ଦଳକୁ ଚାମ୍ପିୟନ୍ କରାଇଥିଲେ । ସର୍ବଦା ବିବାଦରେ ରହୁଥିବା ୱାର୍ଣ୍ଣ ମହିଳାଙ୍କ ସହିତ ସମ୍ପର୍କକୁ ନେଇ ବେଶ ଚର୍ଚ୍ଚାରେ ଥିଲେ । ୧୦୦୦ରୁ ଅଧିକ ମହିଳାଙ୍କ ସହିତ ସେ ଶୋଇଥିବା ନେଇ ଦାବି କରିଥିଲେ ୱାର୍ଣ୍ଣ ।