ଭୁବନେଶ୍ୱର: ଏଗ୍ରିକଲଚର ପ୍ରଡକ୍ସନ କମିଶନର ରାଜ କୁମାର ଶର୍ମାଙ୍କୁ ନୂଆ ଦାୟିତ୍ୱ ମିଳିଛି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଏସିଏସ ଭାବେ ଅତିରିକ୍ତ ଦାୟିତ୍ୱ ତୁଲାଇବେ ରାଜ କୁମାର ଶର୍ମା । ଆଇଏଏସ୍ ଅଧିକାରୀ ରାଜ କୁମାର ଶର୍ମାଙ୍କୁ ଓଡିଶାର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ମୁଖ୍ୟ ସଚିବ (ଏସିଏସ୍) ର ଅତିରିକ୍ତ ଦାୟିତ୍ୱ ଦିଆଯାଇଛି । ଆଇଏଏସ୍ ଅଧିକାରୀ ପ୍ରଦୀପ କୁମାର ମହାପାତ୍ରଙ୍କ ସ୍ଥାନାନ୍ତର ପରେ ଏହି ନିର୍ଦ୍ଦେଶ ଆସିଛି। ସାଧାରଣ ପ୍ରଶାସନ ଏବଂ ଜନ ଅଭିଯୋଗ ବିଭାଗ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ କୃଷି ଉତ୍ପାଦନ କମିଶନର ରାଜ କୁମାର ଶର୍ମାଙ୍କୁ ନିଜ କର୍ତ୍ତବ୍ୟ ବ୍ୟତୀତ ଏସିଏସ୍ ହେଲ୍ଥର ଅତିରିକ୍ତ ଚାର୍ଜରେ ରହିବାକୁ ଅନୁମତି ଦିଆଯାଇଛି।
ଉଲ୍ଲେଖଯୋଗ୍ୟ, ପରାଗ ଗୁପ୍ତାଙ୍କ ସ୍ଥାନରେ ପ୍ରଦିପ କୁମାର ମହାପାତ୍ର ଓଡିଶା ବନ ବିକାଶ ନିଗମ (OFDC) ର ଚେୟାରମ୍ୟାନ୍ ଭାବରେ ନିଯୁକ୍ତ ହୋଇଥିଲେ। ସେହିଭଳି ପରାଗ ଗୁପ୍ତାଙ୍କୁ ପବ୍ଲିକ୍ ଏଣ୍ଟରପ୍ରାଇଜେସ୍ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଭାବେ ନିଯୁକ୍ତି ଦିଆଯାଇଥିଲା |
