ମୁଜାଫରପୁର: ଆଜି ଆମେ ସମସ୍ତେ ଚାନ୍ଦରେ ପାଦ ଥାପିବା ପାଇଁ ଚାହୁଁଛୁ । ହେଲେ ତଥାପି ଆଜି ଅନ୍ଧବିଶ୍ୱାସ ଲୋକଙ୍କ ମନରୁ ଯାଇନାହିଁ । ଏହି ଅନ୍ଧବିଶ୍ୱାସ ପାଇଁ ହିଁ କେତେ ମହିଲା ନିଜ ପ୍ରାଣ ହାରିଛନ୍ତି । ତଥାପି ଲୋକେ କିଛି ଠକ ବାବାଙ୍କ ଶିକାର ହୋଇଯାଆନ୍ତି । ଏମିତି ଏକ ମାମଲା ମୁଜଫରପୁର ଜିଲ୍ଲାରୁ ସାମ୍ନାକୁ ଆସିଛି । ଯେଉଁଠି ଜଣେ ଠକ ତାନ୍ତ୍ରିକ ଝଡାଫୁଙ୍କା ବାହାନାରେ ଦୁଷ୍କର୍ମ କରିଛି । ତେବେ ସେହି ବାବାକୁ ମହିଳାଙ୍କ ସ୍ୱାମୀ ଧରି ପୁଲିସରେ ଦେଇଛନ୍ତି ।
ପୀଡିତଙ୍କ ଅଭିଯୋଗ ପରେ ପୁଲିସ ମାମଲା ରୁଜୁ କରି ଅଭିଯୁକ୍ତ ବାବାକୁ ଗିରଫ କରିଛି ଓ କୋର୍ଟ ପଠାଇ ଦେଇଛି । ଅନ୍ୟପଟେ ପୀଡିତା ମହିଳାଙ୍କୁ ମେଡିକାଲ ପରୀକ୍ଷା ପାଇଁ ପଠାଇ ଦେଇଛି । ଅଭିଯୁକ୍ତ ଅବଦୁଲ ହାଫିଜ କରଜା ଥାନା ର ରକ୍ସାରେ ରହୁଥିବା ଜଣାପଡିଛି ।
ତେବେ ଏହି ମାମଲାରେ ସିଟି ଏସପି ରାଜେଶ କୁମାର କହିଛନ୍ତି, ଜଣେ ତାନ୍ତ୍ରିକ ଦ୍ୱାରା ମହିଳାଙ୍କ ଶାରୀରିକ ଶୋଷଣ କରାଯାଇଥିବା ସୂଚନା ମିଳିଥିଲା । ଯାହା ପରେ ପୁଲିସ ଅଭିଯୁକ୍ତକୁ ଗିରଫ କରିଛି ।
ଝଡାଫୁଙ୍କା ବାହାନାରେ ମହିଳାଙ୍କୁ ଦୁଷ୍କର୍ମ
