ନୂଆଦିଲ୍ଲୀ: ସମାଜାବାଦୀ ପାର୍ଟିର ନେତ୍ରୀ ଜୟା ବଚ୍ଚନ ଟିଏମସି ପାଇଁ ବଙ୍ଗଳା ନିର୍ବାଚନ ପ୍ରଚାର ପାଇଁ କୋଲକାତା ପହଂଚିଛନ୍ତି । ପ୍ରଚାର କାର୍ଯ୍ୟକ୍ରମ ପୂର୍ବରୁ ମିଡିଆକୁ ସମ୍ବୋଧିତ କରି ସେ କହିଥିଲେ ଯେ, ମୋ ନେତା ଅଖିଳେଶ ଯାଦବ ମୋତେ କହିଥିଲେ, ବଙ୍ଗଳା ଯାଇ ଟିଏମସିକୁ ନିଜ ସମର୍ଥନ ଦେବା ପାଇଁ । ମମତା ବାନାର୍ଜୀଙ୍କ ପାଇଁ ମୋ ମନରେ ବହୁତ ଭଲପାଇବା ଓ ସମ୍ମାନ ରହିଛି । ସମସ୍ତଙ୍କ ସହ ଜଣେ ମହିଳା ଲଢୁଛି । ଏପର୍ଯ୍ୟନ୍ତ ମମତା ଦିଦିଙ୍କ ହୃଦୟ ଓ ଦିମାଗ କେହି ଭାଙ୍ଗି ପାରିନାହାନ୍ତି । ବଙ୍ଗାଳକୁ ଦୁନିଆରେ ସବୁଠୁ ଭଲ ରାଜ୍ୟ ବନାଇବା ପାଇଁ ତାଙ୍କର ଦୃଢତାକୁ କେହି ଭାଙ୍ଗି ପାରିନାହାନ୍ତି । ମୁଁ ଜାଣିଛି, ମମତା ଜି ଯାହା ବି ଚାହିଁବେ ତାହା କରି ଦେଖାଇବେ । କିଛି ଅସମ୍ଭବ ନୁହେଁ ।
କହିରଖୁଛୁ ଯେ, ତୃଣମୂଳ କଂଗ୍ରେସର ନେତା ମମତା ବାନାର୍ଜୀ ଚିଠି ଲେଖି ବିପକ୍ଷ ଦଳଙ୍କୁ ବିଧାନସଭା ନିର୍ବାଚନରେ ସହଯୋଗ ଦେବା ପାଇଁ ଅପିଲ କରିଥିଲେ । ଏହାପରେ ସମାଜବାଦୀ ପାର୍ଟି ନେତା, ସାଂସଦ ଓ ପୂର୍ବ ଅଭିନେତ୍ରୀ ଜୟା ବଚ୍ଚନ ଟିଏମସିର ପ୍ରଚାର ପାଇଁ ବଙ୍ଗଳା ପହଂଚିଛନ୍ତି । ରିପୋର୍ଟ ଅନୁସାରେ, ଜୟା ବଚ୍ଚନ ୫ ଏପ୍ରିଲରୁ ୮ ଏପ୍ରିଲ ପର୍ଯ୍ୟନ୍ତ ଟିଏମସି ଆଶାୟୀଙ୍କ ପାଇଁ ପଶ୍ଚିମବଙ୍ଗରେ ପ୍ରଚାର କରିବେ । ଟାଲିଗଂଜରୁ ବିଜେପି କେନ୍ଦ୍ର ମନ୍ତ୍ରୀ ଓ ସାଂସଦ ବାବୁଲ ସୁପ୍ରିୟୋଙ୍କୁ ନିର୍ବାଚନ ମଇଦାନକୁ ଓହ୍ଲାଇଛି ।
ଟିଏମସି ପାଇଁ ପ୍ରଚାର କରିବାକୁ କୋଲକାତାରେ ପହଞ୍ଚିଲେ ଜୟା ବଚ୍ଚନ
