ନୂଆଦିଲ୍ଲୀ: ଜମ୍ମୁକଶ୍ମୀରର ସୋପିଆନରେ ଶନିବାର ସନ୍ଧ୍ୟାରେ ହୋଇଥିବା ଗୁଳି ବିନିମୟରେ ଜଣେ ଆତଙ୍କବାଦୀ ନିହତ ହୋଇଥିବା ଖବର ଜଣାପଡିଛି । ଏହାସହିତ ୨-୩ ଆତଙ୍କବାଦୀ ଏବେ ବି ସେଠାରେ ଫସି ରହିଛନ୍ତି । ଏହି ଗୁଳିବିନିମୟ ସୋପିଆନର ବନଗାମ ଅଂଚଳରେ ସୁରକ୍ଷା କର୍ମୀ ଓ ଆତଙ୍କବାଦୀଙ୍କ ମଧ୍ୟରେ ହୋଇଥିଲା । ଏହି ଘଟଣାରେ ସେନାର ଦୁଇ ଯବାନ ବି ଆହତ ହୋଇଛନ୍ତି । ଆହତ ଯବାନଙ୍କୁ ୯୨ ବେସ ହସ୍ପିଟାଲରେ ଭର୍ତ୍ତି କରାଯାଇଛି । କଶ୍ମୀର ଆଇଜି ବିଜୟ କୁମାର ଏନେଇ ସ୍ପଷ୍ଟ କରିଛନ୍ତି । ଏହି ଘଟଣା ପରେ ସଂପୃକ୍ତ ଅଂଚଳକୁ ସୁରକ୍ଷାକର୍ମୀ ଘେରାବନ୍ଦୀ କରି ଆତଙ୍କବାଦୀଙ୍କ ସର୍ଚ୍ଚ ଅପରେସନ ଜାରି ରଖିଛନ୍ତି ।
ପୁଲିସ କହିଛି ଯେ, ଦକ୍ଷିଣ କଶ୍ମୀରର ବନଗାମ ଅଂଚଳରେ ଏହି ଗୁଳି ବିନିମୟ ହୋଇଛି । ଏହି ଅଭିଯାନରେ ଏପର୍ଯ୍ୟନ୍ତ ଜଣେ ଆତଙ୍କବାଦୀ ସଫା ହୋଇଛି । ହେଲେ ତାର ଚିହ୍ନଟ ହୋଇପାରିନାହିଁ । ଅଭିଯାନ ଏବେ ବି ଜାରି ରହିଛି ଓ ଅଧିକ ତଥ୍ୟର ଅପେକ୍ଷା ରହିଛି ।
ଜମ୍ମୁକଶ୍ମୀର ସୋପିଆନରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ
