ଏସବିଆଇର ଏହି ଯୋଜନାରେ ପ୍ରତି ମାସରେ ୧୦୦୦ ଟଙ୍କା ଜମା କରି ପାଆନ୍ତୁ ୧.୫୯ ଲକ୍ଷ ରିଟର୍ଣ୍ଣ

ନୂଆଦିଲ୍ଲୀ : ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଆପଣଙ୍କୁ ଏପରି ସୁଯୋଗ ଦେଉଛି, ଯେଉଁଥିରେ ଆପଣ ଭଲ ରିଟର୍ଣ୍ଣ ପାଇପାରିବେ। ବିଶେଷ କଥା ହେଉଛି ଏସବିଆଇର ଏହି ଯୋଜନାରେ ଆପଣ ପ୍ରତି ମାସରେ ମାତ୍ର ୧ ହଜାର ଟଙ୍କା ବିନିଯୋଗ କରି ୧ ଲକ୍ଷ ୫୯ ହଜାର ଟଙ୍କା ଫେରସ୍ତ ପାଇପାରିବେ ।  ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଏହାର ଗ୍ରାହକମାନଙ୍କୁ ଭଲ ସୁଧ ହାର ପ୍ରଦାନ କରିଥାଏ । ଏସବିଆଇର ଅଫିସିଆଲ୍ ୱେବସାଇଟ୍ Sbi.co.in ଅନୁଯାୟୀ, ୩-୫ ବର୍ଷ ମଧ୍ୟରେ ଏସବିଆଇ ଏହାର ଆରଡି ଯୋଜନାରେ ବାର୍ଷିକ ୫.୩ ପ୍ରତିଶତ ସୁଧ ଦେଉଛି । କେବଳ ଏତିକି ନୁହେଁ, ଯଦି ଆପଣଙ୍କର ଆରଡି ସ୍କିମ୍ ୫ ବର୍ଷରୁ ଅଧିକ, ତେବେ ଏସବିଆଇ ୫.୪ ପ୍ରତିଶତ ହାରରେ ସୁଧ ଦେବେ । ଯଦି ଜଣେ ବରିଷ୍ଠ ନାଗରିକ ଆରଡି ଯୋଜନାରେ ବିନିଯୋଗ କରନ୍ତି, ତେବେ ତାଙ୍କୁ  .୮୦ ପ୍ରତିଶତ ହାରରେ ଅତିରିକ୍ତ ସୁଧ ଦେଇଥାଏ ଏସବିଆଇ । ଅର୍ଥାତ , ଏସବିଆଇ ୫ ବର୍ଷରୁ ଅଧିକ  ଆରଡି ଉପରେ ବରିଷ୍ଠ ନାଗରିକଙ୍କୁ ୬.୨ ପ୍ରତିଶତ ହାରରେ ସୁଧ ଦେବ ।