ଭୁବନେଶ୍ୱର: ରମାଦେବୀ ଛାତ୍ରୀ ଝରାଫଉଲ ନାଏକ ମୃତ୍ୟୁ ମାମଲାରେ ଭୁବନେଶ୍ୱରରେ ଝରାଫୁଲର ପୁରୁଷ ବନ୍ଧୁ ରାକେଶ ସ୍ୱାଇଁ ପହଂଚିଛି । ଗେଷ୍ଟ ହାଉସରେ ତଦନ୍ତ ପରେ ରାକେଶକୁ ଧରି ଫେରିଛି ପୋଲିସ । ଅଧିକ ଖୋଳତାଡ ପାଇଁ ରାକେଶକୁ ଭୁବନେଶ୍ୱର ଆଣିଥିଲା ପୋଲିସ । ରାକେଶକୁ ଧରି ଧର୍ମବିହାର ଗେଷ୍ଟ ହାଉସରେ ତନାଘନା ଚାଲିଥିଲା । ଯାଜପୁର ଏସଡିପିଓଙ୍କ ପୋଲିସ ଟିମ ଖୋଳତାଡ କରୁଥିଲା । ରାକେଶକୁ ଧରି କ୍ରାଇମ ସିନ ରିକ୍ରିଏସନ କଲା ଯାଜପୁର ପୋଲିସ ।
ତ୍ୟୁ ପର୍ବରୁ ଗେଷ୍ଟ ହାଉସରେ ରାତି କାଟିଥିଲେ ଝରାଫୁଲ ଓ ତାଙ୍କ ପୁରୁଷ ବନ୍ଧୁ ରାକେଶ । ଖଣ୍ଡଗିରି ଗେଷ୍ଟ ହାଉସରେ ସାଇଣ୍ଟଫିକ ଟିମ ତନାଘନା କରିଛି । ତନାଘନା ସମୟରେ ଡଷ୍ଟବିନରୁ କିଛି ପ୍ରମାଣ ପୋଲିସ ହାତରେ ଲଗିଥିବା ସୂଚନା ମିଳିଛି । ରୁମ୍ ନମ୍ବର ୨୦୧କୁ ସିଲ୍ କରିଥିବା ବେଳେ ଫିଙ୍ଗର ପ୍ରଣ୍ଟି ଓ ନମୁନା ସଂଗ୍ରହ କରିଛି ଟିମ୍ । ଏହା ସହିତ ବେଡସିଟ୍, କମ୍ବଳ ଓ ତକିଆ ଜବତ ହୋଇଛି ।
ସେପଟେ ସାମ୍ନାକୁ ଆସିଥିବା ଦ୍ୱିତୀୟ ସିସିଟିଭି ଫୁଟେଜରେ ମିଳିଛି ଅନେକ କିଛି ସୂଚନା । ୨୬ ତାରିଖ ଦିନ ଭୁବନେଶ୍ୱରର ଏକ ପାଷ୍ଟଫୁଡ ଦୋକାନରେ ଝରାଫୁଲ ଓ ତାଙ୍କ ପୁରୁଷବନ୍ଧୁ ଖାଉଥିବାର ଦୃଶ୍ୟ ଦେଖିବାକୁ ମିଳିଛି। ବିରିଆନୀ ଖାଇବା ପରେ ଝରାଫୁଲ ଅସୁସ୍ଥ ହୋଇ ବାନ୍ତି କରିଥିଲେ । ପେଟ କାଟୁଥିବାରୁ ଝରାଫୁଲ କାନ୍ଦୁଥିବା ମଧ୍ୟ ଭିଡିଓରେ ଦେଖିବାକୁ ମିଳିଛି । ଗୋଟିଏ ଦୃଶ୍ୟରେ ଝରାଫୁଲ ସ୍କୁଟିରେ ଏକାକୀ ହେଲମେଟ୍ ପିନ୍ଧି ବସିଥିବା ବେଳେ, ହୋଟେଲ ଭିତରେ ରାକେଶ ଓ ସେ ଖାଇବାର ଦୃଶ୍ୟ ମଧ୍ୟ ଦେଖିବାକୁ ମିଳିଛି । ରାକେଶ ଓ ଝରାଫୁଲ ବୁଲାବୁଲି କରି ଦିନ ୧.୦୫ରେ ସ୍କୁଟିରେ ପଳାଇଥିଲେ ।
ସିସିଟିଭି ଫୁଟେଜ ମିଳିବା ପରେ ହୋଟେଲରେ ଯାଜପୁର ପୋଲିସ ଫରେନସିକ୍ ଟିମ୍ ପହଞ୍ଚି ତଦନ୍ତ କରୁଛନ୍ତି । ଝରାଫୁଲଙ୍କ ପାଟିରୁ ଫେଣ ବାହାରିଥିବା ରାକେଶ ପୋଲିସକୁ ଜଣାଇଥିଲେ । ତେବେ ବିଷକ୍ରିୟା ହୋଇଥିଲା ନା ଆଉ କିଛି, ତାହା ଝରାଫୁଲଙ୍କ ପୋଷ୍ଟମର୍ଟମ ରିପୋର୍ଟରୁ ଜଣାପାଡ଼ିବ । କିନ୍ତୁ ପ୍ରେମିକବନ୍ଧୁଙ୍କ ଉପରେ ଦୋଷ ଲଦିଛନ୍ତି ଝରାଫୁଲଙ୍କ ପରିବାର ଲୋକେ । ରାକେଶ ସ୍ୱାଇଁ ହିଁ ତାଙ୍କ ଝିଅକୁ ହତ୍ୟା କରିଥିବା ନେଇ ଅଭିଯୋଗ କରିଥିଲେ ମୃତ ଝରାଫୁଲଙ୍କ ବାପା ।
