ଆଜି ଆସିପାରେ କୃଷି ଆଇନ ରାୟ

ନୂଆଦିଲ୍ଲୀ : ଦିଲ୍ଲୀରେ କୃଷକ ଆନ୍ଦୋଳନ ବିଷୟରେ ଆଜି ସୁପ୍ରିମ କୋର୍ଟ ତାଙ୍କ ରାୟ ଶୁଣାଇ ପାରନ୍ତି । ଦିର୍ଘ ଦିନ ଧରି ଦିଲ୍ଲୀ ସୀମାରେ ଚାଲିଥିବା କୃଷି ଆନ୍ଦୋଳନକୁ ନେଇ ହେଇଥିବା ଆବେଦନର ଶୁଣାଣୀ କରି ସୁପ୍ରିମ କୋର୍ଟ ଗତକାଲି କେନ୍ଦ୍ର ସରକାରଙ୍କ ଉପରେ ଅସନ୍ତୋଷ ପ୍ରକାଶ କରିଥିଲେ । କିଛି ଲୋକଙ୍କ ଆତ୍ମହତ୍ୟା କରିବା ଓ ବୟସ୍କ ଲୋକ ମାନଙ୍କ ସହ ମହିଳା ମାନଙ୍କର ଏହି ଆନ୍ଦୋଳନରେ ସାମିଲ ହେବା ଇତ୍ୟାଦି ଘଟଣାକୁ ନେଇ ଏହାର ଜବାବରେ କୃଷି ଆଇନକୁ ସ୍ଥଗିତ ରଖାଯିବ ନା କୋର୍ଟ ତରଫରୁ ପଦକ୍ଷେପ ନିଆଯିବ ବୋଲି କୋର୍ଟ ପ୍ରଶ୍ନ କରିଥିଲେ । ତେବେ କେନ୍ଦ୍ର ସରକାର ଓ ଚାଷୀ ନେତାଙ୍କ ମଧ୍ୟରେ ୯ ଥର ବୈଠକ ହୋଇଥିଲେ ମଧ୍ୟ ଅଦ୍ୟାବଧି କୌଣସି ସମାଧାନ ବାହାରି ପାରିନାହିଁ । ଆସନ୍ତା ୧୫ ରେ ପୁଣି ବୈଠକ ଅନୁଷ୍ଠିତ ହେବ ।