କଟକରେ ପୁଣି ନକଲି ମସଲା କାରଖାନା ଠାବ

କଟକ: କଟକରେ ପୁଣି ନକଲି କାରଖାନା ଠାବ ହୋଇଛି । ଚାଉଳିଆଗଂଜ ଥାନା ଗତିରାଉତପାଟଣାର ଭଦିମୂଳରେ ଏହା ଠାବ କରାଯାଇଥିବା ସୂଚନା ମିଳିଛି । ସେଠାରୁ ବହୁ ପରିମାଣର ନକଲି ହଳଦୀ ଓ ମସଲା ଗୁଣ୍ଡ ଜବତ କରାଯାଇଛି । ଏହାବ୍ୟତୀତ ନାମୀଦାମୀ କମ୍ପାନୀର ଲୋଗୋ ଓ ପ୍ୟାକିଂ ଜବତ ହୋଇଛି । ଏବେ କମିଶନରେଟ ପୋଲିସ ସେଠାରେ ପହଂଚି ଚଢାଉ ଜାରି ରଖିଛି । ତେବେ ଏଠାରେ ସୂଚନାଯୋଗ୍ୟ, ଗତ କିଛି ଦିନ ପୂର୍ବରୁ ମଧ୍ୟ କଟକରୁ ଏକ ନକଲି ମସଲା ତିଆରି କାରଖାନା ଠାବ କରାଯାଇଥିଲା । ଜଗତପୁରରେ ଅପମିଶ୍ରିତ ନକଲି ହଳଦୀ ଓ ଲଙ୍କା ଗୁଣ୍ଡ କାରଖାନା ଉପରେ କମିସନରେଟ ପୁଲିସ ଚଢାଉ କରିଥିଲା । ବିନା ଲାଇସେନ୍ସରେ ଏହି କାରଖାନା ଚାଲୁଥିଲା । ପୁଲିସ ଖବର ପାଇ ଚଢାଉ କରି ବିପୁଳ ପରିମାଣର ହଳଦୀ,ଲଙ୍କାଗୁଡ ଜବତ କରିଥିଲା ।